磊犇 (Closed)

尋日落大雨，同同事係旺角本身諗住求其食米線，但見到前面有間叫磊犇就去望下個menu，見到冇咩人唔洗等位就入左去。原來呢間係新餐廳，平時去M記用自助點餐，估唔到呢間都好先進，都係用自助點餐機。佢menu 暫時專推3款牛，西冷牛扒、牛肩肉同磊牛扒，問左一問咩叫磊牛扒，原來都係牛肩肉但中間會有筋既部分，所以我同朋友一個叫左西冷、一個叫左牛肩，可以兩款都試。點完就會出單，之後去俾錢就會俾個提示器你，好方便。店員好貼心，提我地戴定圍裙，又同我地講沙津、飯、湯、飲品全部任添任食，等餐期間就去試左野飲! 綠茶係甜味綠茶、檸檬薏米水都好飲，但我就鍾意佢地自家煲既洛神花山楂水，因為始終食牛都驚好heavy，飲洛神花山楂水又開胃又可以去膩消滯，好過飲汽水。出餐都係自己拎，佢都好好咁有張紙蓋住，咁就避免到拎個陣D油係咁彈到自己同埋D熱力都冇散得咁快，當然你見佢塊石都厚，所以都有一定重量，但保熱方面的確好勁，直至所有肉食晒塊石都仲熱嫁! 兩塊扒都好厚好大塊好正，牛味濃，又可以自己鍾意整熟D又得生D又得，覺得呢個價錢食到呢個質素既牛係算好好，而且仲包其他任食任飲呢! 雖然其實只係嘆塊牛已經好夠唔洗食飯! 自己就