堅石燒 (Closed)

最近好中意食熱辣辣既牛扒肉，所以熱石牛就變左我既首選！聽朋友介紹堅石燒牛肉質素同環境都唔錯，一於踩場試試佢！個場的確好大，半自助形式餐廳，食客可以係corner位任選醬料，醬汁，湯，意粉，沙律，飲品等等食之前就拎左牛油蒜蓉意粉，湯同沙律呢三樣開下胃先，意粉蒜蓉味相當濃郁，帶微咸，有想一食再食既衝動。澳洲和牛西冷 200g，肉質厚嫩，加上香蒜同洋蔥，玥配搭埋岩鹽同黑胡椒調味，將西冷扒煎至微脆，再切成粒狀，牛肉鮮嫩多汁，帶淡淡油香，脂肪入口即溶，香濃啖啖肉。韓式牛肉石鍋飯，相當足料，配料同白飯比例平均，加上韓式辣醬調味，開胃又飽肚，佢地既辣醬唔算好濃郁，唔食辣既朋友都接受到～韓式清酒煮豬軟骨，清酒味略顯不足，但豬軟骨軟淋口感唔錯。