隠家拉麵工場 (Closed)

瞬間到日本🇯🇵無諗到深水埗都有咁高質嘅拉麵店！-同日本嘅拉麵店一樣係要自己買飛，再加上剛裝修完，鋪頭全部都係用木製嘅傢俬，感覺就好似嚟到日本咁！-隱世白伝 $79佢係沾麵嚟嘅，鋪頭入邊都有教學，教你食沾麵嘅正確步驟！「首先將湯入邊嘅調味料撈渾，然後將適量嘅麵條夾起，放入湯裏，當湯掛左上麵，就可以索索聲咁食啦。食晒麵之後，再加入豬骨湯，就可以成碗湯咁樣飲啦。」麵條嘅軟硬度適中，真係可以做到掛湯嘅效果，不過個人就唔係咁鍾意飲最後個湯，覺得加咗豬骨湯都仲係好鹹，都係用嚟食面夠啦。佢個麵入邊本身就有雞蛋㗎啦，不過由於我太鍾意食雞蛋啊，所以再加多左一隻🤩隻雞蛋好流心好好食！