Video
Read full review
2022-06-22
864 views
喺觀塘番工都好鍾意去OPC食晏貪佢方便多選擇！最近3樓（唔使等𨋢🥹）新開左間高質Fusion 菜，下晝係Semi-Buffet，而夜晚就有5/7/9 course 嘅set今次試左5道菜（$588 /pp）餐廳以灰白色作主調，設計幾型格，環境舒適🍫Amuse BoucheChef Tony 建議一啖食晒由幾款朱古力煮埋一齊整嘅外殼, 再配搭青蘋果雞肝醬。一咬落去，啲醬爆曬出嚟，濃郁嘅鹹鮮味如泉湧出，衝擊味蕾，加咗青蘋果，確實清啲冇咁膩👍🏻朱古力唔係太甜，食到有少少回甘，同雞肝醬嘅鹹香味好平衡👍🏻中間仲有一粒榛子🌰增加口感！好似upgrade 版金莎😂🍽12 years old Caviar Green Asparagus BavaroisChef Tony 都係建議魚子加埋蘆筍 慕絲一齊食！魚子嘅珍貴在於只有3種鱘魚卵先有資格整魚子醬，由bb長大至識得產卵，最快都要12年時間，少女嘅味道😂同樣係一咬即爆，再次衝擊味蕾！濃濃嘅魚油滲出，鹹鮮味濃，口中同一時間有清新幼滑嘅蘆筍慕絲作中和，好配嘅組合👍🏻就咁食比較鹹，配餅又互搶，配蘆荀原來咁夾👍🏻食完有陣回甘！最後先食條新鮮爽脆嘅蘆筍再清清口
貪佢方便多選擇！最近3樓（唔使等𨋢🥹）新開左間高質Fusion 菜，下晝係Semi-Buffet，而夜晚就有5/7/9 course 嘅set
今次試左5道菜（$588 /pp）
餐廳以灰白色作主調，設計幾型格，環境舒適
🍫Amuse Bouche
Chef Tony 建議一啖食晒
由幾款朱古力煮埋一齊整嘅外殼, 再配搭青蘋果雞肝醬。一咬落去，啲醬爆曬出嚟，濃郁嘅鹹鮮味如泉湧出，衝擊味蕾，加咗青蘋果，確實清啲冇咁膩👍🏻朱古力唔係太甜，食到有少少回甘，同雞肝醬嘅鹹香味好平衡👍🏻中間仲有一粒榛子🌰增加口感！好似upgrade 版金莎😂
🍽12 years old Caviar Green Asparagus Bavarois
Chef Tony 都係建議魚子加埋蘆筍 慕絲一齊食！魚子嘅珍貴在於只有3種鱘魚卵先有資格整魚子醬，由bb長大至識得產卵，最快都要12年時間，少女嘅味道😂
同樣係一咬即爆，再次衝擊味蕾！濃濃嘅魚油滲出，鹹鮮味濃，口中同一時間有清新幼滑嘅蘆筍慕絲作中和，好配嘅組合👍🏻就咁食比較鹹，配餅又互搶，配蘆荀原來咁夾👍🏻食完有陣回甘！最後先食條新鮮爽脆嘅蘆筍再清清口腔👍🏻如果佢俾珍珠匙，就更加有心思！食具都好重要架嘛
🍄 Porcini Mushroom White Truffle Foam Cheese
Cracker
加咗松茸嘅磨菇湯，好香濃，白松露泡沫輕輕點綴，加埋惹味嘅芝士薄脆，係好飲嘅！份量俾多兩啖就好喇😅
🕊 Sous vide French Pigeon Beet root purée
四成熟法國鴿肉，server 話係背位，肉質細嫩，皮用火炙將油香逼出，我破例連皮食啦！
配上紅菜頭purée 幾清新，仲有另一款汁就惹味啲
🍝 雖然話係五道菜，但中間竟然有個Pasta! 係手工墨魚汁fettuccine，彈牙煙韌👍🏻帶子煎得岩岩好，蕃茄醬好新鮮好fresh
🔥Daily dessert-Creme Brulee
Server 都好貼心，提我拍片😂突然間好似變魔術咁🔥好大火😂心中諗起一句：紙係包唔住火
非常打卡able👍🏻至於味道，燉蛋好香滑，唔算太甜
整體來講，食得出Chef Tony 嘅心思👍🏻分量對我呢個減緊肥嘅人來講啱啱好！
open kitchen係你面前煮，香噴噴！好衛生！
唔使搭lift係喜訊
Post
