香江花月 (荃灣廣場)

Open Now

Now Closed

今日去咗一間好啱打卡，而且嘢食好好食嘅餐廳，忍唔住要同大家分享吓。門口位置而家有個吧枱，裝修好靚，完全唔似打邊爐嘅餐廳，每一個位都好啱影相，仲有超多衣車，充分展現出懷舊香港。佢餐牌都已經分咗好多本，全部都圖文並茂，Drink Menu仲要勁靚，忍唔住嗌返杯Cocktail。杯嘢飲係特登有個職員推架車仔出嚟，喺我哋面前點火，仲等我哋預備好晒手機，提我哋拍片😆飲落去偏甜，但係好易入口，好啱女仔飲。海鮮冬瓜鍋勁似藝術品，望到唔捨得食，砌到好靚。湯底飲落去好清甜，仲有好多海鮮喺入面，我哋每日差唔多飲咗三碗湯先開始打邊爐。點左呢個連蔬菜都唔使再額外點😂美國安格斯肥牛油花均勻，就咁望就已經知道係好食嘅牛肉，仲要係擺盤擺得好靚😍白鱔片好新鮮，嚟到呢度一定要食，又夠油同彈牙，好耐冇食過咁好食嘅鱔！而且切厚薄個要啱啱好，完美。鵝腸係超級新鮮，喺香港真係好難搵到呢個質素！另外雞子，蝴蝶腩都係新鮮同好食，仲有一個Chat食完都好得意，每一種丸都唔同口味，一路食一路估佢係咩味，都幾好玩😂最後再配上日本烏冬，呢隻烏冬仲要係煮耐咗都唔會爛，吸收晒湯嘅味道，為我嘅晚餐畫上圓滿句號。