和牛燒肉‧純

睇《進擊昇龍道》，見到金剛同張秀文係咁食飛驒牛，真係口水都流埋。要即刻飛去日本食就無可能架啦，但之前lunch行過呢間「和牛燒肉‧純」，見到佢主打飛驒牛，就決定黎試一試。「和牛燒肉‧純」午飯時間都幾full，最好訂左位先黎，walk in既話隨時無位。餐廳裝修簡潔，入面全部係個室，全部都有間隔，私隱度高。餐牌選擇算多，可以燒烤，嫌麻煩既，亦可以揀唔駛燒既定食，悉隨尊便。我一早睇中呢個做緊特價既日本和牛小排肉定食($88)，而富貴同事就揀左貴少少既胸外腹定食($110)。牛肉黎啦，定價較貴既胸外腹定食(中及下)明顯脂肪分布比例靚好多。食起上黎，我既小牛排(上)有好少好少渣，質素中上；同事既胸外腹就軟腍好多，香滑無渣，靚野黎，果然係一分錢一分貨。除左肉之外，套餐入面仲有前菜、白飯同湯，確保飽肚。餐廳需要加一，每人大約100蚊落樓，有少少肉赤，但偶然一餐，都OK啦。