Video
Read full review
2023-03-03
104 views
新肥泉海鮮大排檔琴晚去咗官涌市政大樓食野，之前一直有朋友講呢間大排檔好夠鍋氣，價錢又平又份量多，性價比好高，於是約埋朋友去食！呢間大排檔喺市政大樓2樓，部升降機好隱蔽，不過問人就會答到你，千祈唔好睇升降機方向標誌，方向完全錯哂，政府大樓都錯離哂大譜！入到去地方空間超寬落，好適合幾十部輪椅一齊聚會都得，完全無難到，超級正！如果喺夏天嚟呢度更加唔洗驚好熱，目測有最少30部吊扇一定夠涼！👍👍👍1.酸辣鵝腸$188（9/10）本來叫雞腸，但無哂轉咗鵝腸！呢個酸辣鵝腸酸酸辣辣好正，入面d料又多，包括有雲耳、芽菜、豆腐卜、支竹、芫茜等......份量好多，我最鍾意食反而係豆腐卜，索哂酸辣湯汁好惹味！😋😋😋2.邪惡黃金大蝦仁$138（9/10）呢個黃金大蝦仁超級正，炸粉好薄，加埋咸蛋好邪惡，食完一舊又一舊，一碟大約有20舊邪惡黃金大蝦仁，份量超多！👍👍👍3.翡翠帶子蛋白炒飯$108（8/10）呢個炒飯炒得好乾爽，飯粒粒分明，飯入面嘅一粒粒嘅菜應該係翠玉瓜，每一啖飯仲食到蛋白、帶子同蟹子，炒飯好大碟，份量足，如果蟹子多返少少就更好，整體唔錯！👍👍4.可愛BB鴿一隻$52（9/10）呢個BB鴿唔算細隻，
琴晚去咗官涌市政大樓食野，之前一直有朋友講呢間大排檔好夠鍋氣，價錢又平又份量多，性價比好高，於是約埋朋友去食！
呢間大排檔喺市政大樓2樓，部升降機好隱蔽，不過問人就會答到你，千祈唔好睇升降機方向標誌，方向完全錯哂，政府大樓都錯離哂大譜！
入到去地方空間超寬落，好適合幾十部輪椅一齊聚會都得，完全無難到，超級正！如果喺夏天嚟呢度更加唔洗驚好熱，目測有最少30部吊扇一定夠涼！👍👍👍
1.酸辣鵝腸$188（9/10）
本來叫雞腸，但無哂轉咗鵝腸！
呢個酸辣鵝腸酸酸辣辣好正，入面d料又多，包括有雲耳、芽菜、豆腐卜、支竹、芫茜等......份量好多，我最鍾意食反而係豆腐卜，索哂酸辣湯汁好惹味！😋😋😋
2.邪惡黃金大蝦仁$138（9/10）
呢個黃金大蝦仁超級正，炸粉好薄，加埋咸蛋好邪惡，食完一舊又一舊，一碟大約有20舊邪惡黃金大蝦仁，份量超多！👍👍👍
3.翡翠帶子蛋白炒飯$108（8/10）
呢個炒飯炒得好乾爽，飯粒粒分明，飯入面嘅一粒粒嘅菜應該係翠玉瓜，每一啖飯仲食到蛋白、帶子同蟹子，炒飯好大碟，份量足，如果蟹子多返少少就更好，整體唔錯！👍👍
4.可愛BB鴿一隻$52（9/10）
呢個BB鴿唔算細隻，皮脆肉嫩，唔會乾又唔鞋，幾好食！😋
2人總共價錢$536.8，外賣盒$2，有加一服務費！
個人口味總評分：8.75/10
地址：佐敦寶靈街17號官涌市政大廈2樓熟食中心
#新肥泉海鮮大排檔 #大排檔 #香港特色 #佐敦美食 #相機食先 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
