建興亞婆豆腐花

Open Now

Now Closed

豆腐花清甜有豆味。上次黎覺得d糖水太過薑，今次岩岩好，連最怕薑味既朋友仔都食到見碗底然而，衛生真係好唔掂。話說一到步，朋友仔去買野，而我就坐左係洗手盤附近等食。朋友仔排隊果陣除左買豆腐花，都想買埋豆漿。不過買果陣有個較後生既阿叔話暫時賣曬，我見佢即刻轉身走向洗手盤附近堆雜物搵樽，再問問洗緊碗既女人有無樽。之後佢隨手拎起放左係檯上飲左一半既水樽，倒左d水，用水沖一沖就拎去載豆漿。好彩朋友仔係阿叔轉身之際已經同載緊豆腐花既伯伯話食完先再買，而我又見到成個過程。否則真係會買左兼飲佢口水尾呀!!雖然都知道果d水樽好多時都係人地飲完拎黎循環用，但都唔好俾我見到，仲要咁求其沖一沖呀!佢連飲果個位都無刷就俾下一手...諗起都覺得恐怖。