吞POT 雞煲火鍋.住家菜

Open Now

Now Closed

【尋找鮮魚Fish系列】平時食雞煲火窩，慣左食任食，平料但勝在但量多。今次揀間單點逐碟計嘅，身痕想食靚料了！明明係雞煲店，但我同男友作為魚嘅愛好者，真係好想食鮮魚湯，就叫左鮮魚湯底。黎到係白色㗎！！ 雖然無魚塊喺入面，但一飲落就好濃嘅魚湯味！正。推介脆鯇魚片，好爽口，不要煮太耐！另外佢個炸魚皮都係高質的。魚片，魚皮配魚湯，真係岩哂鍾意食魚嘅朋友。我哋仲叫左廣島蠔，皇帝菜，三色滑（蝦滑，魚滑同墨魚滑），都唔錯。好想提下佢個醬料盤，我無意中揀左佢個唔知係沙茶定XO醬，超好食！有蝦香，雖然魚湯唔駛要咁濃嘅醬，但真係忍唔住一點再點！大家記得試！特別一提，食雞煲都想食得有情調的話，可以在預約時要求店員盡量安排近窗邊位置呢～ 因為食店在高處，晚上時可以鳥瞰旺角。夜景+雞煲，真係少有嘅combination。