Video
Read full review
2009-11-09
23 views
8-11-2009喜歡試新店 / 未食過的店多於食來食去都係同一間, 不過有時諗唔到食乜, 都會嚟呢度搞掂, 雖然驚喜欠奉, 但始終食物好質素又穩定, so far 永無失望的 是日 dinner 想到九龍城廣場的新店「甜品當飯食」, 但無理由要兩老陪我癲吧, 就先嚟食 d 嘢打打底.小食 #1 涼拌豬耳絲: 切到好幼, 食落爽脆帶麻油香, 加埋薑絲, 菜絲, 蔥絲及芫茜, 就多一份清新及微辛, 幾好食. 小食 #2 蒜香肉青: 豬頸肉灼 (?) 得軟熟彈牙, 仲帶點肉汁 (!!), 齋食帶點清香的豬肉味 (!), 蘸點蒜味豉油就當然惹味口臭 , 難怪成了阿媽至愛.招牌大婆牛肉麵: 牛湯底繼續極濃郁, 帶濃烈花椒八角香, 少少辣, 少少麻, 繼續唔會死鹹, 配上煙韌上海麵條, 正 紅燒牛肉繼續係厚切牛睷, 軟熟入味又索湯, 依然高水準 牛筋一樣入味索湯一樣好食, 膠口又不失咬口, 比暑假喺六合夜市食嗰碗仲好食 , 值得試試.大婆蝦麵: 難得有新產品, 仲要係蕃茄冬蔭湯底的蝦麵, 當然要試試. 麵條質感同上海麵差不多, 但就呈淡黃色, 有點似日式拉麵 (較常配
喜歡試新店 / 未食過的店多於食來食去都係同一間, 不過有時諗唔到食乜, 都會嚟呢度搞掂, 雖然驚喜欠奉, 但始終食物好質素又穩定, so far 永無失望的 是日 dinner 想到九龍城廣場的新店「甜品當飯食」, 但無理由要兩老陪我癲吧, 就先嚟食 d 嘢打打底.
小食 #1 涼拌豬耳絲: 切到好幼, 食落爽脆帶麻油香, 加埋薑絲, 菜絲, 蔥絲及芫茜, 就多一份清新及微辛, 幾好食.
小食 #2 蒜香肉青: 豬頸肉灼 (?) 得軟熟彈牙, 仲帶點肉汁 (!!), 齋食帶點清香的豬肉味 (!), 蘸點蒜味豉油就當然惹味口臭 , 難怪成了阿媽至愛.
招牌大婆牛肉麵: 牛湯底繼續極濃郁, 帶濃烈花椒八角香, 少少辣, 少少麻, 繼續唔會死鹹, 配上煙韌上海麵條, 正 紅燒牛肉繼續係厚切牛睷, 軟熟入味又索湯, 依然高水準 牛筋一樣入味索湯一樣好食, 膠口又不失咬口, 比暑假喺六合夜市食嗰碗仲好食 , 值得試試.
大婆蝦麵: 難得有新產品, 仲要係蕃茄冬蔭湯底的蝦麵, 當然要試試. 麵條質感同上海麵差不多, 但就呈淡黃色, 有點似日式拉麵 (較常配 miso 湯底嗰隻麵); 湯底唔多「冬蔭」, 似蕃茄湯加小辣多 d, 不過飲多兩啖又覺得帶點 lemonggrass 香, 層次感不錯喎 虎蝦幾大隻, 肉質爽實, 配湯底一流, 可惜蝦頭內的少量蝦膏帶點腥味啦 不過整體係幾好食的一碗麵, 可以一試的.
上湯浸娃娃菜: 淪為「大茄」的一味, 鬼叫其他嘢咁好食.
埋單每人五十幾六十蚊 (下列價錢只係約數, 張單阿爸埋了...), 物超所值, 而且真係比灣仔店好食好好好好多, 絕對係真正的「大婆」, 值得一試.
Post
