Crazy Chicken (Lai Chi Kok Road)

今日收工風大雨大，最岩就係食番碗滾熱麵線！傳聞呢間「癡膠雞」真材實料，咁就嚟試試啦！門口睇落冇咩特別，就真係一間普普通通嘅麵店，即係行過都唔會特別留意果隻，係個名幾盞鬼，一講就會記住。叫左兩碗面、兩個小食、一杯柚子茶：

招牌花膠雞湯米線$68：
呢款米線真心誠意推介！！米線同湯底配料係分開上，湯底配料有新鮮雞件，仲有幾件花膠。雞件肉質嫩滑、雞皮夠薄、花膠軟滑，個湯底好清，但又有雞肉嘅鮮味，感覺唔係味精湯底，而係可以連埋湯底飲哂佢果隻！！而佢嘅湯底配料座住個火鍋爐，好似出面啲一人邊爐咁，有個猛火Keep住燒熱個湯底，Keep住可以食到新鮮滾熱辣嘅米線！！

北菇花膠蝦子撈麵$52：
而另一款值得推介嘅係一款撈麵！北菇味道甜甜地，口感同花膠一樣咁軟滑，面頭撒左啲蝦子粉。食嘅時候要落埋高湯同醬，啲醬辣辣地，好惹味（唔知係咪蝦子醬）！成碗麵配搭得好好～味道香濃，而且麵餅唔會乾身！

麻辣豬耳 $32：
豬耳爽脆有咬口，小小辣口，夠入味

金磚豆腐 $28：
即叫即炸，所以食嘅時候小心燙親！豆腐外脆內滑，有小小辣椒粉撒係面頭，惹味可口！


本身無辣不歡，食完呢間真材實料嘅「癡膠雞」，先發覺原來唔辣嘅米線都可以咁好味！會再次嚟幫襯架！！

2

招牌花膠雞湯米線

$68

北菇花膠蝦子撈麵

$52

麻辣豬耳

$32

金磚豆腐

$28

1