光榮冰室 (Sham Tseng Tsuen) (Closed)

好多人都推介煲仔沙爹牛肉麵，可惜唔係間間光榮都有售，去到深井光榮，記得有人係沙牛群組推介過，沙牛巨型奄列，咁就試下啦！首先，真係無乜招呼，員工態度都係求求其其咁，心想都有少少中伏既感覺。今日超大風，叫杯熱齋啡暖下先，杯啡黎到，我真係笑左出聲，一個小膠杯加一支超長木棒仔，好古怪，味道不用說了。等等等，30分鐘左右，終於見到沙爹牛肉巨型奄列，都真係幾巨型，沙爹味幾好，不過由於奄到太大，沙爹牛肉略嫌唔夠，食到一半，好似食緊淨奄列咁。另外，廁所又要行去其他地方先去到，仲要非常污糟。因為有好多室外位，幾個朋友食煙飲野加啲小炒，吹水係唔錯既，不過唔好有太大期望。