Video
Read full review
2022-06-17
216 views
今晚同朋友聚一聚, 黎到銅鑼灣食鐵板燒. 全木設計, 上雲石枱面, 環境雅緻, 感覺好舒服, 優質禮貌既服務, 令人精神放鬆.柚子醋沙律柚子醋清新, 配沙律永遠都一流, 加上新鮮既蔬菜露筍, 蝦爽口彈牙, 呢個前菜為今晚晚餐帶來好既開始.香煎廣島蠔師傅細心煎到金黃既廣島蠔, 最尾配上煎香既蔥，蒜蓉同櫻花蝦, 入口香濃流心!南非孔雀活鮑魚鮑魚大隻, 成隻手掌咁大, 活生即煎. 師傅建議先試原味, 之後再配上紫蘇花(食用花), 海苔醬一齊食, 肉質鮮甜, 軟硬適中, 食落真係有鮮花既香味. 鮑魚肝臟同樣鮮美, 入口軟綿綿既口感, 與系鵝肝有D相似.熊本A5和牛師傅精湛既技術, 和牛煎到啱啱好, 外表香味濃郁, 裡面仲係粉紅色, 配上竹炭鹽, 山葵, 脆脆既蒜片, 真正入口即溶, 和牛既香味充滿口腔, 絕品! 就連煎完既蔬菜菇類都保留到原有既多汁!昆布鰹魚清湯清澈既湯色, 以為係平凡既湯, 點知原來超級濃味, 估佢唔到! 清甜既鰹魚味, 絕對唔係平時街見到既鰹魚粉, 配上北寄貝, 雜菇. 清新!三文魚籽海膽炒飯飯炒到粒粒分明, 粒粒彈起, 最後配上海膽同魚籽, 美味可口! 要多一個丫唔該 (
今晚同朋友聚一聚, 黎到銅鑼灣食鐵板燒. 全木設計, 上雲石枱面, 環境雅緻, 感覺好舒服, 優質禮貌既服務, 令人精神放鬆.
柚子醋沙律柚子醋清新, 配沙律永遠都一流, 加上新鮮既蔬菜露筍, 蝦爽口彈牙, 呢個前菜為今晚晚餐帶來好既開始.
香煎廣島蠔師傅細心煎到金黃既廣島蠔, 最尾配上煎香既蔥，蒜蓉同櫻花蝦, 入口香濃流心!
南非孔雀活鮑魚鮑魚大隻, 成隻手掌咁大, 活生即煎. 師傅建議先試原味, 之後再配上紫蘇花
(食用花), 海苔醬一齊食, 肉質鮮甜, 軟硬適中, 食落真係有鮮花既香味. 鮑魚肝臟同樣鮮美, 入口軟綿綿既口感, 與系鵝肝有D相似.
熊本A5和牛師傅精湛既技術, 和牛煎到啱啱好, 外表香味濃郁, 裡面仲係粉紅色, 配上竹炭鹽, 山葵, 脆脆既蒜片, 真正入口即溶, 和牛既香味充滿口腔, 絕品! 就連煎完既蔬菜菇類都保留到原有既多汁!
昆布鰹魚清湯清澈既湯色, 以為係平凡既湯, 點知原來超級濃味, 估佢唔到! 清甜既鰹魚味, 絕對唔係平時街見到既鰹魚粉, 配上北寄貝, 雜菇. 清新!
三文魚籽海膽炒飯飯炒到粒粒分明, 粒粒彈起, 最後配上海膽同魚籽, 美味可口! 要多一個丫唔該 (自己幻想)
雪糕有幾款口味可以揀, 我叫左柚子, 味道清新, 其實佢似多過雪糕. 雪糕下面仲有香甜大大粒紅豆, 加埋朱古力棒棒, 完美既句號.
Post
