蔦 (Closed)

剛剛行完尖沙咀海港城，點知食飯時間落雨但又無帶遮，咁啱係正呢間拉麵舖外面，見住個banner寫第一間米芝連拉麵同埋入面都唔少人食緊，就走左入去。入到去就先落單再入座，同其他拉麵舖差唔多，選擇唔多咁應該係專注係兩三款招牌湯底，同朋友分別試左味噌拉面同醬油拉面。首先醬油拉麵，個湯底。。唔夠濃好普通。。其實最特別係個松露醬，可惜松露味太強搶左本身個醬油味，個人感覺唔太夾。再黎味噌拉麵，味道相對濃郁朋友覺得一般，好普通既感覺。。再加上可能已付款，服務係零，態度亦都麻麻地，咁公平啲講句，佢無收加一，無服務都無可奈何既總括黎講，唔需要同自己荷包作對，呢個價錢係尖沙咀，絕對值得更好既食物