利苑酒家 (圓方)

Open Now

Now Closed

上2個星期去elements睇戲一心打算食利苑, 不過因為冇訂位, 最後只能食下1層嘅nahm..最後當然係啦...不過呢度要寫另1個食評... 至於利苑, 呢日因為要去睇"他來自美國", 所以book定位, 我book 6:15 pm...初初仲以為冇乜人咁早食飯, 不過入到去已經坐左1半, 而且好快已經坐滿晒... 我地只係得2個人, 再加埋我又要減肥..於是只係叫左2樣野+半煲老火湯+1個甜品+1個飯... 燒味拼盤 - 我揀左燒腩+叉燒, 2樣都好好食...平時我通常都prefer瘦叉燒, 不過今次係半肥瘦, 但係實在燒得太好味喇, 個汁好得, 攪到我食左好多...海味雜菜煲 - 呢個煲入面有粉絲, 豆腐, 冬菇, 蝦乾, 仲有幾種菜..表面好似好簡單, 不過入面每樣材料都煮得剛剛好, 唔會太淋, 同埋好入味... 雞骨草煲豬橫痢湯 - 呢個好好味, 而且估唔到1煲60幾蚊嘅湯分出黎有5碗, 我覺得非常抵... (我平時成日去飲地鐵站果d包裝湯都要成$40碗)甜品 :雪耳燉蓮子(個名唔係好肯定) - 呢個都ok啦..我唔食甜野都食左2羹....好似 好潤咁... 埋單好似係大