Seventh Son Restaurant (Wharney Hotel)

昨晚一家十口來食晚飯，之前見到有人網上介紹話佢啲嘢好食，所以訂枱嚟試吓，一入到餐廳，環境唔錯，服務員個個都好Nice，好好招呼，打開餐牌，咦，酒店價錢喎，蔬菜類平均要$200至$300一碟，肉類平均要$300至$400一碟，同我去平時去開酒店嗰啲中菜廳差唔多價錢，對佢有所期望，叫咗八個餸，上咗頭幾個餸都好興奮拍照，食落樣樣餸都煮得好普通，甚至乎難食，之後連影相都冇心機，因為一定唔會有下次！總括嚟講，酒店價錢，普通酒樓水準，味道好一般，大部份餸都偏淡，引起唔到食慾嗰種，完全係浪費金錢同埋時間！

1

第一道菜到就係蜜汁燒鱔，嘩，同菜牌幅相差好遠喎，呢度菜肯定唔係即叫即做，只係翻熱返加啲蜜上去，好明顯係煮過咗龍，皮同肉已經分開咗，因為個鱔肉食落去已經完全冇汁，個鱔皮係脆但係好硬，佢仲話係招牌菜，非常之失望

$420

1

食過好多酒店嘅脆皮雞，都係收呢個價錢，如果收呢個價錢嚟講，呢隻雞就真係好普通，去普通酒樓都食到

$680

人生中食過可以叫做最難食嘅咕嚕肉，第一，佢個肉炸咗出嚟食起身係硬嘅，咕嚕肉個汁，又唔係酸，又唔係甜，完全引起唔到食慾，真係唔知佢想點，極度失望，我求其去一間酒樓食都會好食過佢，我建議呢間餐廳嘅廚師行去附近萬麗酒店滿福樓試吓人哋個咕嚕肉跟住再自我檢討！