齒來香蛋卷

屋企人琴日叫我幫手買蛋卷。我去到佢哋話賣晒，叫我聽朝10:00去排隊。呢樣我完全冇問題，人哋買晒，第二日再去買好正常。

但係今朝我去到，佢先同我講原來每人只係限購一盒😃 我吓左一聲，個店員仲話：你吓咩啫，不嬲都係咁。

間舖頭冇張貼任何告示、喺社交平台亦都冇post任何相關告示。最嬲係我琴日講明我想買6罐，佢都冇話我知有限購。其實你哋set啲條例出嚟係冇問題，但係要張貼出嚟俾人知，唔係等人哋真係要買先同人講。你哋唔係真係出名到街知巷聞都個個都知道你哋有限購呢樣嘢。

如果你哋之後去買蛋卷，想買多過一罐，一係朝早10:00排第一個，佢會施捨俾你買2罐。如果唔係就要帶定啲朋友去買。