正宗上海生煎皇 (Closed)

聽朋友講好好食，但醒唔起星期日，撞啱星期日食飯時間去食，成間鋪都好多人！不過好彩等左5至10分鐘已經有得食！我哋兩個人叫咗兩個生煎包、一碗酸辣湯麵同埋一碟上海粗炒，樣樣都份量十足！生煎包同平時食開圓圓既生煎包有別，因為佢係方方地架，好得意架！山尖包裏面充滿熱辣辣嘅肉汁，餐桌上面亦都貼左一啲溫馨提示，亦都教你食生煎包既步驟，一定要跟足佢嘅步驟食啊，否則好容易燙親！酸辣湯唔係太鹹，而且好多料，酸酸地好開胃。如果鍾意食辣嘅朋友，加埋佢嘅辣醬真係好好食，夠辣又開胃！上海粗炒好多料好豐富，仲要好抵食！