蘿蔔湯：蘿蔔片夠薄同清甜，清清地幾好飲😄
韓式拉絲芝士雞：熱辣辣鐵板上，芝士半溶狀態，而且極多芝士，呢到D芝士味都幾香濃但又唔會好膩，芝士迷實勁中意😍提埋你最好趁熱食，咁就容易將D芝士捲住雞件黎食，非常滋味🤤
炸雞：有5款口味選擇，分別為薑蔥味、甜辣味、芝士味、蜜糖味、秘製醬油味。呢到D炸雞新鮮炸起夠晒熱，外層上粉唔會好厚，食落外層香脆內層肉質好JUICY😋呢到甜辣味炸雞雖然上左醬，但又唔會個外皮淋晒咁，口感唔錯又好味👍🏻而秘製醬油味炸雞有D似茶記豉油雞扒咁，風味都幾特別😋另外仲有碟醃蘿蔔粒食下，酸酸地清下油膩感😍
韓國壽司：飯粒黏度適中，裡面餡料豐富，食落味道唔錯，中意嘅話仲可以點豉油同WASABI食😄
先黎張合照😍
拉絲芝士紫菜卷蛋：又一邪惡系列😆真係一夾起就拉晒絲，好有韌度可以拉絲拉到好長都唔斷，但食嘅時候又唔會好難咬開😁卷蛋上面加左茄汁同芥末醬，而喺蛋卷裡面加入左D紫菜，配合埋一齊味道都幾夾👍🏻
蜂蜜柚子茶、蜂蜜生薑茶：呢到D飲品價錢本身唔算貴，而家食套餐仲可以有買一送一，抵上加抵👍🏻2杯味道幾滋潤，其中一杯有生薑粒，少少薑辛味幾正😋
呢到有提供膠手套，咁就唔怕食到成手油啦😉
環境都尚算寬敞，坐得都幾舒服👍🏻
雖然叫做任食，但唔會將價就貨，食物味道好，份量足，食完超滿足，非常抵食🥰基本上食晒第一轉都已經飽飽😎就算大胃王都唔駛驚，任食追加包你食到飽肚😆遲D再黎試埋佢D韓燒先至得😋
補MENU
