Read full review
2016-07-22
4930 views
首次拜訪功德林，花了一點時間才搵到黎 7 樓呢，望到間舖喇，有點滴汗 ﹗估唔到居然係商場街邊位，最討厭。事到如今都無辦法，既然黎到都要硬著頭皮坐下。侍應們示意早已安排好的位置，我臉色一沉，又係二人四方迷你檯？香港真係串金呎土，感謝大陸政府及地產企業 ﹗要否感恩唔係摺檯摺櫈呢？朋友仔仍在途中尚未到達，叫壼鐵觀音嘆嘆茶順便研究一下 menu。坐坐下，發生什麼事嘈得那麼利害？轉身向後望一望，一檯成班阿叔，另一檯成班師拉，好那炒耳呀！食野靜少少得唔得！迫我用 headphone 塞住對耳仔聽音樂，鬼殺咁嘈您地屋企咩 ﹗發現有套餐提供，不過唔多合心水，都係散叫開心好多。侍應姐姐話只得一款湯供應，好失望啊 ﹗先點菜，等朋友仔到步就可以出喇。出品高質好味，只不過係環境嘈些少、張檯細些少，而且要坐商場街邊位囉。香辣蘿蔔花生，依個辣度唔係人人受到喎，哈哈。我就十分喜歡，辣蘿蔔絲醃到脆卜卜，其實基本上跟辣菜甫一模一樣，係形態唔同之麻。好想黎碗熱辣辣既粥，撈埋花生菜甫食就正喇。竹笙百合北蟲草燉湯，唯一今晚供應的湯水，張相靚好多喎。味道十分清淡，湯底清徹見底，微甜帶輕輕咸味，飲落舒服暢快，身心調和。全部飲晒，
侍應們示意早已安排好的位置，我臉色一沉，又係二人四方迷你檯？香港真係串金呎土，感謝大陸政府及地產企業 ﹗要否感恩唔係摺檯摺櫈呢？
朋友仔仍在途中尚未到達，叫壼鐵觀音嘆嘆茶順便研究一下 menu。坐坐下，發生什麼事嘈得那麼利害？轉身向後望一望，一檯成班阿叔，另一檯成班師拉，好那炒耳呀！食野靜少少得唔得！迫我用 headphone 塞住對耳仔聽音樂，鬼殺咁嘈您地屋企咩 ﹗
發現有套餐提供，不過唔多合心水，都係散叫開心好多。侍應姐姐話只得一款湯供應，好失望啊 ﹗先點菜，等朋友仔到步就可以出喇。出品高質好味，只不過係環境嘈些少、張檯細些少，而且要坐商場街邊位囉。
香辣蘿蔔花生，依個辣度唔係人人受到喎，哈哈。我就十分喜歡，辣蘿蔔絲醃到脆卜卜，其實基本上跟辣菜甫一模一樣，係形態唔同之麻。好想黎碗熱辣辣既粥，撈埋花生菜甫食就正喇。
竹笙百合北蟲草燉湯，唯一今晚供應的湯水，張相靚好多喎。味道十分清淡，湯底清徹見底，微甜帶輕輕咸味，飲落舒服暢快，身心調和。全部飲晒，連渣都無得剩。
雜菌荷葉飯，意想不到係個飯最先到。開呀，熱辣辣出晒煙，荷香撲鼻，但飯粒似乎太濕喎。芡汁味道非常濃郁兼霸道，菌味微弱到幾乎食不到。肉眼發現不到任何菇菌呢，已礳成粉？而且依隻珍珠米質地怪怪的，不嚥韌不飽滿，不是珍珠米來的嗎？
上湯有機蕃薯苗，我都分不清係蕃薯苗還是蕃薯葉喇，食落都差不多。清爽味道，鮮爽中帶點粗糙，還可以。
功德林麻婆豆腐，不失為招牌菜，撈上荷葉飯更加好味，但要趁熱食，放涼會有點偏咸。濃濃醬汁夠香夠辣，豆腐幼滑無比我最鍾意，十分討厭硬豆腐呢。香辣麻婆滑豆腐撈飯一流，滑豆腐可以跟飯粒完全融合，而醬汁就透進每條縫隙之中，全數掃晒入口，一滴不漏，美味大滿足 ﹗
蜜桃咕嚕肉，色香味俱全，都係疑幻似真，跟真咕嚕肉不遑多讓，難分真假啊。味道、質感、外觀都做到一模一樣，仲要好好味啊 ﹗如果多一點鑊氣就真係巧奪天工喇，甜酸度剛剛好，醒腦又醒胃，趙落嚥韌富彈性，仲要外脆肉嫩呢。
香辣蘿蔔花生
146 views
0 likes
0 comments
竹笙百合北蟲草燉湯
132 views
0 likes
0 comments
雜菌荷葉飯
93 views
0 likes
0 comments
上湯有機蕃薯苗
81 views
0 likes
0 comments
功德林麻婆豆腐
90 views
0 likes
0 comments
蜜桃咕嚕肉
91 views
0 likes
0 comments
Post
