17
18
5
Restaurant: Kung Tak Lam Shanghai Vegetarian Cuisine
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。
Exit A3 , Sha Tin MTR Station continue reading
All Branches (3)
Telephone
23621911
Opening Hours
Today
11:30-16:30
18:00-23:00
Mon-Fri
11:30-16:30
18:00-23:00
Sat-Sun
11:30-16:30
17:30-23:00
Public Holiday
11:30-16:30
17:30-23:00
Payment Method
Visa Master AE Cash UnionPay
Other Info
Parking
Delivery
10% Service Charge
Vegetarian
Review (40)
功德.未夠圓滿 Featured Review
Level4 2017-08-24
1192 views
素菜館功德林始創於1922年上海,在香港開業也有廿多年歷史,稱得上城中素食店翹楚,菜餚俱佛教背景及淮揚特色,近年標榜無添加兼少鹽少油,身體測試過後,肯定其堅持.香港店舖有三,格調水準不一,其中位於新城市廣場分店首次光顧,週末晚上穿過人聲鼎沸的廣場,來到菜館,原來店子不大,裝潢實用性為主,可能街坊顧客為多,氛圍也較親民.我們點了六人套餐($1,288)前菜為{五福臨門},這個中型拼盤蠻是亮麗,計有脆皮素鵝,無錫脆鱔,上海烤麩,雞絲粉皮和香辣大豆芽,各項味道份量和造型恰如其份,其中脆鱔以冬菇絲做成肉心,香脆麵衣滿有核桃的果仁香味,調以甜酸汁,味道融和口感有嚼頭,十分出色.{竹笙火腿絲魚翅盅}材料豐富多様,有竹笙雲耳冬菇豆腐乾素翅和素火腿等等,味道質地拿揑得宜,有街邊碗仔翅風采.{糖醋松子黃魚}腐皮包裹芋蓉油炸而成,以兩枚冬菇做魚頭魚尾,雖不太相像但不失幽默,糖醋汁另以器皿盛放,大家因應喜好添加汁量,不致弄潮脆魚身,較一般坊間油炸芋頭五柳仙斑更見用心.{枝竹雙冬栗子煲}枝竹雲耳冬菇冬旬炆栗子,栗子甜美,食材煮得夠身入味.{芙蓉桂花翅}以素火腿素翅芽菜蛋白炒成,乍嚐蛋白竟有桂花魚肉質感,整體味道融合.{乾燒蝦扒西蘭花}以麵根造成的仿蝦,個人對其質感味道一向有所保留,興趣缺缺,所以沒有嚐到這味菜式,在此不作評論.{黑松露醬蛋白炒飯}以黑松露醬加入素蝦菜粒甘荀粒蛋白炒飯,亦由於本身對松露醬沒有特別喜好,故此只淺嚐了一口,米粒爽口分明沒有過份油膩就是了..最後甜品是{薑茶芝麻湯圓},以這樣名氣的菜館而言,其實甜點可以用心一些,就是缺了份精緻度.當然這只是個人感受.在商言商,追求毛利生意上,誰會跟你那麼考究.最近經朋友介紹,嚐了附近屋邨素菜館,朋友本身茹素,認為那家小店"又平又好味",遠較功德林出色..我看來覚得有點不公,評心而論,屋邨商埸店舗租金豈能跟大型shopping mall比較,而食肆裝潢設計更乏善可陳,食物質素為一般街坊小炒,齋菜材料很多是現成加工製品,尤其一衆仿肉.當然,今趟功德林的仿蝦菜式亦讓我失望,若然只是其中一樣配料還可接受,作為主要材料就有點缺乏誠意,除非是師傅自製,自製又沒必要仿葷吧?中國南傳佛教和道教齋菜,每每給人印象"齋口唔齋心",藉口說是讓非佛教徒更易接受,但在西方素食𥚃鮮少這種現象;其實以功德林龍頭地位,可以拼棄仿葷枷鎖,也能保持淮陽力功精細的特色,將天然材料發揮淋漓盡致."齋口又齋心"較為貼近"功德.圓滿"的祈願..不是嗎? continue reading
(The above review is the personal opinion of an user which does not represent OpenRice's point of view.)
唔油膩的中式素食 Featured Review
Level4 2016-12-02
3936 views
餐前小食炸菜甫爽口惹味,花生香口苔菜松子炒飯好香紫菜味,炒飯唔油膩,好乾爽,飯粒好分明(不會太濕)松子配飯(令飯更香口)酥炸三絲雞卷酥炸皮好薄(不會只食到炸粉),好香脆,內裡蘿蔔+素肉(好清新,唔肥膩)加上酸甜汁食,更加惹味砂窩獅子頭有驚喜(味道比其他菜式濃味)獅子頭(用豆腐,粉絲代替肥肉)口感足,而且唔肥膩,醬汁惹味,令窩中菜(更香口,入味)大大粒獅子頭(有2粒)配菜吸收醬汁(好美味)內裡唔油膩(比肉造的獅子頭) 野羊肚菌竹笙炖百合盅炖湯水(自己唔會花時間炖,這湯水要等45分鐘)味道好香菌味,好清甜(細碗左小小)白色一片片竹笙補氣,降血壓(刮油功效,減少肚存脂肪)百合 可以潤肺啡色係羊肚菌(起碼有4粒)功效 氣管虛弱,抗疲勞(啱我)食肉的朋友,覺得太貴(好味的素食確實昂貴)但食得健康d,都值得 continue reading
(The above review is the personal opinion of an user which does not represent OpenRice's point of view.)
Level4 2017-11-11
34 views
同老爸再食素菜,係google map 既沙田只搵到呢一間,所以姑且一試。點知叫左個宮保雞丁出了事,佢係用同一種豆腐制品加腰果同紅椒,我撈汁而成的🤦🏻‍♀️天啊!完全同一個口感,同之前食既真係有啲出入。一個套餐包素翅、白飯,未計加一、茶錢,承惠$108。點睇呢碟野值呢個價錢?生煎包係煎得香口既,但入面淨係得菜,乜都無。鍋貼係煎得香脆既,但係只有蘿蔔絲。我發現呢間全部餸都係單一料,一個套餐,兩個包點,$275出門口.... continue reading
(The above review is the personal opinion of an user which does not represent OpenRice's point of view.)
Level3 2017-04-08
1396 views
沙田除了是購物天堂, 對於素食者來講都是一個好地方, 其實香港好少大型素食餐廳, 而比度出名的功德林上海素食也進駐沙田, 餐廳十分找, 好方便, 只要你在沙田火車站一出, 不用十分鐘就到達!有各式各樣嘅素菜, 例如乾燒蝦扒西蘭花($118)外貌美麗如蝦, 栩栩如生, 有囗感豐富 ! 咕嚕肉 ($108)味道甜甜酸酸,酸甜味味適中, 非常開胃,外觀也十分討好,而於口感可以呃到人, 真似好以肉, 真倞做得不錯 ! 環境舒適 , 地方闊落, 坐得好舒服 ! continue reading
(The above review is the personal opinion of an user which does not represent OpenRice's point of view.)
Level4 2016-07-22
4542 views
首次拜訪功德林,花了一點時間才搵到黎 7 樓呢,望到間舖喇,有點滴汗 ﹗估唔到居然係商場街邊位,最討厭。事到如今都無辦法,既然黎到都要硬著頭皮坐下。侍應們示意早已安排好的位置,我臉色一沉,又係二人四方迷你檯?香港真係串金呎土,感謝大陸政府及地產企業 ﹗要否感恩唔係摺檯摺櫈呢?朋友仔仍在途中尚未到達,叫壼鐵觀音嘆嘆茶順便研究一下 menu。坐坐下,發生什麼事嘈得那麼利害?轉身向後望一望,一檯成班阿叔,另一檯成班師拉,好那炒耳呀!食野靜少少得唔得!迫我用 headphone 塞住對耳仔聽音樂,鬼殺咁嘈您地屋企咩 ﹗發現有套餐提供,不過唔多合心水,都係散叫開心好多。侍應姐姐話只得一款湯供應,好失望啊 ﹗先點菜,等朋友仔到步就可以出喇。出品高質好味,只不過係環境嘈些少、張檯細些少,而且要坐商場街邊位囉。香辣蘿蔔花生,依個辣度唔係人人受到喎,哈哈。我就十分喜歡,辣蘿蔔絲醃到脆卜卜,其實基本上跟辣菜甫一模一樣,係形態唔同之麻。好想黎碗熱辣辣既粥,撈埋花生菜甫食就正喇。竹笙百合北蟲草燉湯,唯一今晚供應的湯水,張相靚好多喎。味道十分清淡,湯底清徹見底,微甜帶輕輕咸味,飲落舒服暢快,身心調和。全部飲晒,連渣都無得剩。雜菌荷葉飯,意想不到係個飯最先到。開呀,熱辣辣出晒煙,荷香撲鼻,但飯粒似乎太濕喎。芡汁味道非常濃郁兼霸道,菌味微弱到幾乎食不到。肉眼發現不到任何菇菌呢,已礳成粉?而且依隻珍珠米質地怪怪的,不嚥韌不飽滿,不是珍珠米來的嗎?上湯有機蕃薯苗,我都分不清係蕃薯苗還是蕃薯葉喇,食落都差不多。清爽味道,鮮爽中帶點粗糙,還可以。功德林麻婆豆腐,不失為招牌菜,撈上荷葉飯更加好味,但要趁熱食,放涼會有點偏咸。濃濃醬汁夠香夠辣,豆腐幼滑無比我最鍾意,十分討厭硬豆腐呢。香辣麻婆滑豆腐撈飯一流,滑豆腐可以跟飯粒完全融合,而醬汁就透進每條縫隙之中,全數掃晒入口,一滴不漏,美味大滿足 ﹗蜜桃咕嚕肉,色香味俱全,都係疑幻似真,跟真咕嚕肉不遑多讓,難分真假啊。味道、質感、外觀都做到一模一樣,仲要好好味啊 ﹗如果多一點鑊氣就真係巧奪天工喇,甜酸度剛剛好,醒腦又醒胃,趙落嚥韌富彈性,仲要外脆肉嫩呢。 continue reading
(The above review is the personal opinion of an user which does not represent OpenRice's point of view.)