Video
Read full review
2011-02-21
17 views
18-2-2011夜晚其實唔太想又食茶記, 不過「下場」前時間唔多, 兜兜轉轉結果都係上了呢間「疑似」冰室的灣仔新分店, 雖然對中環店的印象一般而已 (http://www.openrice.com/restaurant/commentdetail.htm?commentid=2059160 / http://www.openrice.com/restaurant/commentdetail.htm?commentid=1954452). 叫了一人一茶餐 ($30; 有咩食詳見第一張相片):-火腿奄列 + 多士: 多士幾厚, 烘得外鬆脆內軟熟, 幾好食, 不過記得要趁熱食; 奄列賣相有點皺皮, 不過劏開後係有蛋汁流出, 食落又滑又有蛋香, 加埋份量不少的火腿, 又幾好食. 比起 lunch 食嗰間茶記的「外乾內油」火腿奄列 (http://www.openrice.com/restaurant/commentdetail.htm?commentid=2150550), 呢個好得多!主食揀了茄牛通: 賣相血肉模糊 蕃茄湯底淡淡的, 不過新鮮蕃茄茸份量唔少, 都叫真材實料的;
18-2-2011夜晚其實唔太想又食茶記, 不過「下場」前時間唔多, 兜兜轉轉結果都係上了呢間「疑似」冰室的灣仔新分店, 雖然對中環店的印象一般而已 (http://www.openrice.com/restaurant/commentdetail.htm?commentid=2059160 / http://www.openrice.com/restaurant/commentdetail.htm?commentid=1954452). 叫了一人一茶餐 ($30; 有咩食詳見第一張相片):-
火腿奄列 + 多士: 多士幾厚, 烘得外鬆脆內軟熟, 幾好食, 不過記得要趁熱食; 奄列賣相有點皺皮, 不過劏開後係有蛋汁流出, 食落又滑又有蛋香, 加埋份量不少的火腿, 又幾好食. 比起 lunch 食嗰間茶記的「外乾內油」火腿奄列 (http://www.openrice.com/restaurant/commentdetail.htm?commentid=2150550), 呢個好得多!
主食揀了茄牛通: 賣相血肉模糊 蕃茄湯底淡淡的, 不過新鮮蕃茄茸份量唔少, 都叫真材實料的; 通粉唔會太腍, 不過又好似「粉口」咗 d, 還是較喜歡質地較 Q 的坑紋通; 牛肉無乜味, 不過質地都「肉」, 唔韌, 唔「膠」又唔算太「化學」, 算係咁吧.
飲品叫了熱檸水: 其實無乜好評, 不過呢杯落極糖都嗒到澀澀哋的味道 (檸檬皮?), 真係
朋友的茶餐跟了腸仔麵及熱奶茶, 腸仔切到「開花」的, 幾好心機呀吓
食物好似比中環店好少少, 配套就明顯地比中環好, 上樓店地方乾淨光猛, 伙計阿叔 / 阿姐們亦幾友善的.
每人 $30 埋單, 唔算好好食, 不過想搵個乾乾淨淨的地方食個簡餐, 呢度都係不錯的選擇.
Post
