瑞士咖啡室 (Closed)

今日難得放假，約埋閨蜜去灣仔行街，行完街已經3點，係時候醫肚，我地見到附近有一間瑞士咖啡室，就入去食下午茶。我哋坐低冇幾耐，服務員就即刻過來，問我哋要食啲乜嘢，服務態度好。我哋order咗兩個下午茶餐。（1）雞髀和奄列，凍檸蜜（少甜）滷水雞髀好入味，咬落又Juice，唔會鹹，甜甜哋。奄列內有火腿絲，雞蛋炒得滑溜。（2）蛋牛治烘底，熱檸水。牛肉都算多，加埋滑蛋，真心好食，烘底夠脆，非常滿足。整體來說：地方乾淨，價錢合理，服務員態度好。

又到午飯時間喇，同行友人話要減肥🙄，正煩惱食什麼好🤔，同事介紹一間餐廳，話椰菜花🥦砌成粒粒當飯食🍚，咁真係減肥恩物😂，好一於去試下先台式鹽酥雞配白椰菜花菜飯 $68白椰菜花粒粒分明😊，唔只望落似炒飯，食落直頭真係好似有食緊飯咁嘅口感😋，感覺好特別😆。鹽酥雞炸得鬆脆可口，最難得係整得唔咸🥰，味道剛剛好😋。韓式泡菜白椰菜花飯配香煎雞扒 $68估唔到泡菜加上白椰菜花口感又幾夾，泡菜唔過咸👍，白椰菜花粒混入咗泡菜嘅味，唔辣之餘口感上提升咗唔少嘅層次😋。雞扒煎得可口之餘，肉質仍然保持到幼嫰👍值得讚賞。

🍛韓式泡菜配香煎雞扒椰菜花飯（$68）估唔到呢度竟然會有椰菜花飯可以嗌，啱哂我呢啲最近減緊肥嘅人，份量唔少但食完唔會有罪惡感；椰菜花食落好似真係食緊飯咁嘅口感，粒粒分明，加埋泡菜落去味道都係啱啱好，唔會過咸；雞扒煎得好嫩滑而且食落唔會好油，值得一讚👍🏻

OpenRice寫營業時間至七點，餐廳門口告示收6點半五點半去到餐廳諗住叫外賣個待應話已經無野賣，廚房唔會再炒野，拒絕接單我再問咁有啲咩係你哋宜家可以整，另外一個待應話咩都唔再整，第二日再嚟過仲有成粒鐘至關門同我講廚房收？？現場仲有唔少人堂食，啲客都仲等緊野食，我唔信整個外賣有幾難同花幾多時間，唔講我仲以為去高級餐廳食咁宜家大家都知佢個營業時間係包埋廚房收爐，要食嘅人唔好預一鐘咁少去食喇，費事俾人拒接

繼上星期食完男人的浪漫，覺得份量實在太大，食完果晚晚餐都5洗食今日就試下美麗之最，見佢跟餐有支玻璃鮮奶，5洗加錢意式通粉，好夠味揀左芝士咸牛肉仲配埋個烚蛋沙律岩哂5太中意食肉既我，樣樣都有啲；呢個餐既份量都幾大

上星期搶到香港旅遊發展局既優惠券，200蚊減150蚊；相約同事一齊去食叫左男人的浪漫，有豬扒腸仔公仔麵+熱狗或菠蘿油+熱飲真係男人的份量女性如果叫呢個餐，熱狗可以打包留下午茶

出街搵茶餐廳食，最鍾意係叫炒野，即叫即炒最好食。見到灣仔道呢間在一樓的瑞士咖啡室，同朋友決定入去試下。正值午市時間，除左平時的餐牌，仲有一張日日更新的午餐餐牌。叫左個瑤柱大蝦蒸滑蛋飯，個蒸蛋好大份好足料。仲叫左干炒黑椒牛柳絲麵，熱辣辣夠鍋氣。👍🏻

工作受完氣，諗住搵間好坐既餐廳食，入到去第一個阿姐安排左我地坐卡位，之後有個阿叔走埋黎話有人坐，轉個頭話我地可以坐，點知一陣間有第二個阿姐就黎話有人坐，大聲叫我地出黎，咩事呀，家陣我地黎乞食？好地地諗住食餐飯，見你應該坐得舒服，先至諗住幫襯，點知得到更差既對待同體驗，番工已經受氣，食飯都要受你氣？完全唔會再幫襯，態度差，做錯野唔好意思都無句，仲大大聲叫我地出黎，我黎食飯架，唔係幫你打工架！咩態度呀!絕對會同其他人分享今次差劣既體驗！

炒白椰菜花飯係減炭減肥既恩物，估唔到係哩間茶記竟然有得order，咁岩又行開過黎灣仔做野，咁lunch一定要試試佢啦！😋 今次我點既係香葉咖哩肉碎炒白椰菜花飯，上到枱面既時侯，係熱辣辣岩岩炒起既moment🔥🔥🔥火喉十足！睇得出剝白椰菜花既師父好有心機！因為炒白椰菜花飯有飯粒分明既口感🤣真係好似食緊炒飯咁🤣👍好新鮮好特別！中間夾住一d肉碎同香葉既味道，仲有夾住係中間既蛋絲，味道有啲似星洲炒米😋👍 咁健康又減炭既lunch都只係($63蚊)連埋杯熱飲(+$5蚊)，價錢唔算貴又可以為地球環保出一分力💪何樂而不為呢👍😋

常餐B：經典瑞士雞髀公仔麵$56 （加$5轉朱古力奶）呢個餐包括火腿奄列，牛油多士🥪 瑞士雞髀係呢到嘅名菜，果然非常出色，瑞士汁甜甜地好上色，雞髀🍗非常入味。雞髀肉質厚實，唔會過火霉晒，雞皮仲有佢嘅彈性喺度👍🏻 其他配料正常質素龍蝦汁海鮮🦞燴白椰菜花飯 $63新出嘅白椰菜花飯幾驚喜😍開頭以為冇海鮮，點知原來所有配料喺晒飯底😂仲意想不到幾足料添！分別有青口，魚柳，鮮蝦，魷魚帶子等等😱龍蝦汁鮮甜濃厚，白椰菜花飯🥦比較爽脆，同時亦好掛汁😄啖啖都係菜，食咗好多纖維，好適合注重健康，低碳飲食嘅人士💚

黎瑞士咖啡室食午餐，算係一個非常穩陣嘅選擇。尤其是依種舊式餐廳，超級鍾情於佢嘅肉醬意粉又或者其他焗飯，硬係覺得好味啲，係一種香港嘅味道。要行一層樓梯先至上到嚟，門外面已經有餐牌可以睇。今次忍住手，冇叫到肉醬意粉，因為是日午餐見到有焗咖喱雞球飯，非常吸引。佢哋嘅飯嘅份量，可以話係剛剛好，唔會太過飽，但係又未至於唔飽，不過大食嘅人可能唔夠😅😅咖喱汁算係幾香濃，完全唔辣，仲有啲椰汁同埋椰絲，口感幾特別。雞嘅份量都OK，最開心係有幾粒薯仔，超林超好味！另外，奶茶都OK，不過茶味唔夠突出唔夠香濃。佢哋熱飲隻杯係比其他餐廳高，感覺即刻抵番😆😆

✨鮮牛肉麵火腿奄列～滑溜嘅鮮牛肉，配公仔麵真係絕配，難得地佢哋嘅湯底用上湯，食落零舍鮮味。火腿奄列側邊配左塊方包，個人就覺得塊方包唔夠脆，好在有熱辣辣嘅奄列搭救，炒得夠滑溜，而且火腿量夠多👍瑞士㗎啡室推出左一系列新餐牌🤓✨炸雞髀薯條～茶餐廳經典，炸雞髀薯條，點可以唔試下。呢度即叫即整，而且仲用上波浪形嘅美式薯條添，好耐冇見過，入口香脆熱辣辣👍店家話見大家平時走飯走得咁辛苦，而且近年都好似幾流行低碳飲食，就一次過推出三款椰菜花飯，白椰菜花本身只含很低嘅碳水化合物，同時具有大量的維他命B同埋礦物質，口感就有似白飯🍚，但係又無澱粉喎，係近期減肥界嘅新星！茶餐廳價錢喎，每款都係$63性價比非常高，下次食lunch一定要試下先🤩

星期六上完才藝班，黎到灣仔出名嘅瑞士㗎啡室食tea，餐廳主打懷舊嘅裝修，似足八十年代嘅港味茶餐廳風格✨星洲炒米～Toby姐姐係一個會食辣嘅小朋友😆，計早排同我食完酸菜魚之後，今日挑戰咖喱味嘅星洲炒米，呢度嘅炒米嘅濕潤，而且材料豐富，鮮蝦火腿嘅量都唔少，味道方面咖喱味都幾重，好惹味！而且難得係炒得唔係好油，唔會太鹹，我哋都鍾意！✨煉奶西多士～好少見兩層嘅西多士，呢個份量絕對係2-3人份，兩層方包嘅中間塗上粗粒花生醬，而且即叫即整，特別新鮮熱辣！今次仲見店家推出左一系列新餐牌，係近年好流行嘅低碳飲食～白椰菜花飯，見好多明星減肥都有炒嚟食一次過有三款添❤️蛋炒白椰菜配香煎雞扒❤️龍蝦汁海鮮燉白椰菜花飯❤️香葉咖哩肉碎炒白椰菜花飯今次陪Toby BB就食得邪惡少少啦😂有健康新餐牌，對靚媽我真係又一健康新選擇😍

瑞士咖啡室的鹵水雞脾同雞翼夠入味鹵水汁味濃，唔會太甜或者太鹹，恰到好處常餐份量夠👇🏻包括大大碗湯粉面(我揀通粉，另外有意粉同米粉) 烘香的牛油多士同火腿庵列蛋大大隻鹵水雞脾肉嫩惹味

Lunch嚟到依間餐廳，我諗都起碼五年冇嚟幫襯，呢度都幾受歡迎，晏晝時間坐滿咁滯。我覺得唯一吸引嘅係佢有好多卡位，坐得比較舒服。雖然係一間樓上鋪，但係佢嘅價錢基本上同地舖一樣，唔好諗住係會平少少。依度嘅男職員都幾搞笑，有一個送餐係手舞足蹈，好似玩緊閃避球咁。另一個就服務態度麻麻，午餐餐牌係冇講包唔包嘢飲或者例湯，所以落餐之後就問佢有冇嘢飲啦，佢係勁晦氣咁講：「熱飲唔使錢」真係唔該晒，男人老狗唔好同我講你嚟M心情唔好。仲有，我係冇欠左你㗎囉🤷🏻‍♀️佢嘅熱飲都係用牛牛杯，但係係高大啲嘅，同平時茶餐廳矮嘅有啲唔同，唔知份量係咪都會多少少杯咖啡上面有啲奇奇怪怪嘅奶泡，有待改善。茄子牛柳粒飯，同想像中個樣有少少出入，好多牛柳粒，好似得三四條茄子😅😅 令主要想食茄子嘅我覺得有少少失望。咁但係佢肉多個菜喎，咁揼本，應該係抵讚嘅😀😀朋友叫嘅肉醬意粉都OK