珍姐廚房

Open Now

Now Closed

以前仲住喺新界嘅我哋，得閒就好鍾意去大坑食飯，但反而搬咗去大坑之後，又好少喺呢頭食飯喎。今日我哋因為要做家務，唔想去太遠食，所以就喺大坑搵到呢間家嘅味道：珍姐廚房。當A姐遇上珍姐，唔知A姐又覺得味道啱唔啱佢呢？蒜蓉炒荳苗當啲菜夠新鮮，真係唔洗點花巧，用蒜蓉簡簡單單炒香，已經好好味。梅菜蒸肉餅飯肉餅係A姐嘅最愛之一，而喺咁多款肉餅當中，A姐就最鍾意甜甜哋嘅梅菜，貪佢夠晒開胃！珍姐嘅肉餅肥瘦度啱啱好，食得好健康。咖哩薯仔雞翼飯而我就叫咗咖哩薯仔雞翼飯，其實食呢個餸，重點從來都係暮仔而唔係雞翼，唔知大家有無同感呢？薯仔好入味，好淋，Love it！椰汁紫米芒果露A姐話最尾要食埋甜品先得，呢個椰汁紫米芒果露份量好多，驚喜有成半隻芒果呀！