時令韓國生蠔半打 $145
想講呢個韓國生蠔真係超新鮮，每粒都超巨大之餘仲要好鮮甜。配埋佢個紅酒汁，仲有檸檬汁，酸酸甜甜咁非常惹味。
月見手切本鮪魚腩蓉丼 定食 $188
定食有麵豉湯、沙律、同茶碗蒸。魚腩非常鮮味，配特製嘅醋飯非常合適。面頭仲有一粒日本流心蛋，撈埋落去魚腩蓉嗰度，令到成個口感又再上一層樓。
鹽燒仙台熟食牛舌芯 $128
想講呢呢個牛舌芯嘅口感超讚，爽口得來又帶點咬口，配埋佢嘅檸檬汁同醬汁，非常開胃。
淺漬本鮪魚赤身沙律 $155
沙律非常新鮮，而且份量好多。刺身份量亦都唔少，混埋落去沙律入邊食非常夾。
蔥吞拿魚腩丼定食 $188
吞拿魚腩嘅份量非常之多，好似肉餅咁樣蓋咗喺塊面。魚腩嘅口感唔算好腍，仲有少少肉粒嘅咬口。
開心果巴斯克蛋糕 $55
只要提前預訂，再加上當日叫甜品，就可以有一個畫碟服務。今次叫咗基路仔嘅公仔，畫得超靚，打卡真係一流。
三得利蜜桃碳酸酒 $48
1
11
9
