滿屋日本料理 (Closed)

今晚嚟呢間食過好多次嘅放題， 嚟咗咁多次啲食物質素都仲keep到。一坐低通常都會先出去吧枱度攞啲冷盤食住先，再慢慢寫order紙。第一樣梗係揀咗刺身先啦！呢度淨係蝦刺身都已經有三款，我哋就最鍾意食佢嘅甜蝦喇，夠新鮮夠曬甜 。牡丹蝦都唔錯大大隻食落好滿足，而家好少放題會提供北寄貝，好彩呢度仲keep住有得食。而家佢哋出咗燒和牛壽司，啲和牛燒到五成熟好多肉汁好好味。另外一樣最鍾意食嘅就係呢度嘅芝麻雞翼喇！外皮夠脆入面又多汁，一定要每人食返幾隻先夠皮。媽媽就最欣賞呢度嘅炸榴槤，一咬開入面啲榴槤漿湧曬出嚟，啲榴槤味濃到成枱都聞到！超香！呢度嘅燒物都唔錯，全部都燒到好夠味又唔會太乾。仲食咗好好多嘢食不能盡錄，個個都食到好滿足。女人無論食到幾飽都會仲有位食甜品嘅！呢度嘅甜嘢都好多選擇，除咗可以簡order紙上面嘅甜品之外，出面嘅甜品櫃都有好多唔同款式嘅甜品，可以逐樣慢慢試，仲有埋雪糕機可以自己吱添。最後仲會每枱畀一張雪糕紙，每人一杯，食埋杯雪糕就完滿結束喇。