活在茶下

Open Now

Now Closed

男職員態度極差，好食到識飛都唔想再去！！買嘢嗰陣男職員冇問我係外賣定堂食 （我係堂食嘅）出到嚟個雞蛋仔用紙包袋入住，我哋見到隔籬枱堂食有tray, 雞蛋仔用碟裝住，有刀叉。我哋就問男職員，如果堂食係咪都係用個袋裝住，佢好大聲話＂係！＂跟住我哋再望一望隔籬枱個setting，女職員就話俾返隻碟同刀叉我哋！雞蛋仔都比個袋整到淋曬一路坐喺度食，就一路聽到男職員厭世feel咁樣問幾時收工…又聽到佢同其他職員講啲客人是非，話人哋問呢樣果樣有客人問佢嘢飲有冇熱嘅，佢就好冇禮貌大大聲咁同人講餐牌寫住熱嘅就有熱餐牌寫住凍嘅就有凍講返雞蛋仔同埋嘢飲，其實兩樣質素都OK，不過咁樣嘅服務態度真係趕客！