再興燒臘飯店

Open Now

Now Closed

今晚一條友喺灣仔食飯，腦海裏即刻諗到食燒味飯。夜晚近8點到，要搭檯就在所難免啦。望望牆上嘅menu，燒味飯只需$30，雙拼都無需加錢。我叫左碟叉燒燻蹄飯（$30），加多碗例湯，總數只需$36。燒味豉油汁大方地擺喺檯面，落幾多悉隨尊便。燒味賣相都幾好，叉燒我冇特別要瘦定肥叉，咬一口有酒香味，玫瑰露香。燻蹄皮爽肉香，我另外要碟薑蓉撈飯，好香又唔會太油。例湯係老火陳腎湯，夠麻甩我鍾意。夜晚都座無虛席，眼見有本地人亦有好多遊客，果然有佢嘅吸引之處。