Shinko

呢日放工之後同朋友去左銅鑼灣呢間日式餐廳食dinner，打開餐牌，見到有好多唔同種類既日本野可以選擇。

我地點左海苔拖羅赤膽壽司，呢個壽司就集齊哂兩款我至愛嘅刺身，壽司飯上面放左拖羅蓉同埋厚厚嘅海膽，海膽好肥美，再加埋啲三文魚子做點綴，一啖放入口，層次豐富，回味無窮。

另外仲有申子和牛燒，和牛燒用咗好靚嘅A5和牛，和牛上面有好靚嘅雪花紋，店員會用火槍將和牛燒至5成熟，啲油信滴咗出嚟，好香。和牛再包住飯同埋流心蛋，超級正。

鮮蟹肉粥好入味。

仲有火炙大蝦讚岐手打烏冬，烏冬好彈牙。