亞萊泰 (黃大仙中心北館) (Moved) New Location

放假去黃大仙行下，親戚話要食泰菜，即刻上openrice search，發現黃大仙中心只得呢間。呢間野之前喺九龍灣既分店食過一次，認真麻麻地，所以都無咩期望。因為好肚餓，又有隻大食積，咁啱又兩點，於是由lunch set 食到tea set，除左價錢唔同之外，食物質素同份量都一樣，好一般 😅嗌左泰人香葉炒烏冬，完全係港式茶記嘅口味，同泰國菜無關。另一個係泰式叉燒炒金邊粉，因為有叉燒，所以一隻蝦都無。味道同是但一間泰餐廳嘅金邊粉無太大分別，都係酸酸甜甜咁。不過豆腐干說好鬼硬，而且成碟嘢唔夠熱，無咁好食。每個lunch set 都有飲品，分別嗌左椰汁冰同椰汁紅豆冰。兩款都只得甜，毫無椰汁味，同甜稀水無差別，好難飲 😖另外餐可以加錢要小食，原本想要雞翼同雞串燒。點知落漏單，無落雞翼 🤦🏻‍♀️食晒發覺唔夠食，已經係tea time，唯有嗌tea set~ 價錢平D，嗌左魚柳薯條。魚柳同薯條都好熱好脆，不過有少少油膱味 😕另外嘅問題就係服務。叫十次先認得一、兩次。個個都扮睇唔到 😡 做生意咁做法，真係乞人憎。亞萊泰... 聽都名都怕。