今次就來到位於西環堅尼地城加多近街嘅「Antonio」，由外國人主理嘅葡國菜餐廳，一嘗何謂正宗嘅葡國菜！
餐廳面積不大，但非常有格調和充滿異國風情，開放式格局令到整個環境都非常舒適。更有一小角落售賣葡國食品，有多款來自葡萄牙嘅沙甸魚！
店主非常熱情和好客，會主動和顧客交流，亦看得出餐廳是用心經營，對食物品質有要求，務求將葡國美食帶給顧客。我哋就由店主發板，介紹咗幾道有特色嘅菜式。
🥓Flamed Chorizo $145
前菜先來一道Chorizo，即葡萄牙式香腸，是葡國很常見嘅地道菜式，有濃烈的煙燻味道。香腸會先放在一個陶瓷器皿，然後加上白蘭地再點火，即場燒烤好有儀式感。然後放在法包再加上橄欖油，非常好味！ 香腸有濃烈的煙燻味，入口外脆內軟，配搭橄欖油好合襯。橄欖油是一支好像電油罐的鐵罐盛載，好有特色！
🥩🍳🍚Bitoque $175
Bitoque是一道傳統的葡國菜式，牛扒配上薯條、飯和沙律，還會加上一隻煎蛋。
牛扒用上了西冷，生熟程度剛好肉質非常軟淋，醬汁用上了啤酒和大量蒜頭，帶少少酸，味道層次豐富。
白飯有驚喜，帶少少焦香，質感煙靭，而且用了香料焗飯，和牛扒和醬汁一起食，非常滋味！
值得一提，份量其實非常多，有兩塊牛扒，足夠二人享用！
🍛ARROZ DE MARISCO HK$498 （2人份量）
這是另一道傳統的菜式「葡萄牙海鮮飯」，亦是店主的最愛。
菜式加上了大量海鮮（包括青口、蝦、魷魚、蜆），飯吸收了所有海鮮的精華，味道非常有層次。類似西班牙海鮮飯Paella，但飯比較濕，甚至有少少湯飯的感覺。有特色之餘味道亦非常棒，店主果然冇介紹錯👍🏻
最後店主還奉上了自家製的葡國甜品，亦是非常出色！
🍨Chocolate Mousse：
由厄瓜多爾朱古力做成嘅慕絲，入口非常軟滑，甜道剛好，厄瓜多爾朱古力是完全不同，和普通朱古力味道有明顯分別，絕對是非一般的朱古力慕絲。一試難忘。
🍮Portuguese Crème Brûlée ：
和法式焦糖燉蛋有分別，比較少雲尼拿味而較重蛋香，表面焦糖非常香脆，再灑上肉桂粉，味道非常豐富！
🍷Pair with Port Wine：
最正嘅地方係甜品有甜酒配搭。Port Wine 係葡萄牙一種甜的紅酒，經常用來配搭甜品，酒味比較濃但易入口。一啖甜品🍮一啖酒🍷，完美配搭！
總結：餐廳雖少，但店主用心經營，對食物有熱誠，整個餐廳的氛圍都非常棒，渡過了一個非常愉快嘅晚上。如果要在香港品嘗正宗葡國菜，這家餐廳是不二之選。
