嵐橋丼飯專門店 (Closed)

棉登徑有好幾間日本居酒屋我都好中意, 今日再多一間on list! 依間嵐橋主打刺身don飯, 一打開menu超多款仲要款款都好吸引!麵豉湯味道恰當唔會過咸。立魚湯奶白色既魚湯, 熱辣辣又鮮味, 完全唔會有丁點腥味, 秋冬飲感覺特別正, 推介!矢柄don (秋冬限定)賣相好靚, 矢柄魚味清淡口感爽身, 三文魚同油甘魚厚切肥美, 牡丹蝦鮮甜, 赤貝鮮味, 海膽CREAMY, 三文魚籽咸鮮! 飯係赤醋飯, 味道更香醇,  更為特別既係以醋製成既粒粒JELLY, 更加可以帶出各種刺身既鮮味。海之幸don有中拖, 赤身,松葉蟹肉,日本牡丹蝦, 赤貝, 深海池魚同三文魚籽, 粉嫩既中拖油脂均勻魚油味濃郁, 松葉蟹肉同赤貝都好鮮甜, 加埋大大隻牡丹蝦, 肥美既 深海池魚同埋晶瑩既三文魚籽, 豐富鮮味又滿足!雞胸軟骨串雞胸軟骨比平時食既粒粒軟骨較薄而大塊, 口感更脆口!免治雞肉棒居酒屋必點既免治雞肉棒, 表面燒得香甜, 雞肉棒口感彈牙帶粒粒軟骨口感, 沾上濃香蛋黃, 推介!依度既DON飯確係賣相精緻, 而且用料新鮮, 魚湯同埋串燒都十分出色, 值得一吃!