Video
Read full review
2023-03-25
659 views
今次間餐廳唔係朋友帶黎真係唔知因為門口唔係透明及打開，一整個閉上的大木門上加上簡單的「燚」字招牌真係好低調餐廳內位置不多主要有bar 枱位，約6人另有2張4、5人枱場內燈光都係一個特色位，係紫藍色為主色調如果坐係bar 枱位睇廚師煮野食，再飲住啤酒，配合呢個燈系既環境，都幾有一番感覺鐵板燒既選擇主要以海鮮類及肉類為主我地留意到set menu 有沙律、飯、甜品同湯，係散叫冇的，於是叫了一份廚師發辦套餐再加其他幾款既海鮮整體食物既賣相都幾靚,睇得出好有心機去present 出黎海鮮味道都食得出鮮甜度,廚師控制煎煮既火喉幾好,不會令到食材老或鞋同師傅言談間知道佢地係酒店做左好多年除左功力深,對賣相都有一定要求,所以食物出到黎都幾精緻服務方面,一坐低會俾杯暖水你先之後一路食都會同幾位師傅傾計,好健談好好傾係一餐好舒服﹑食得愉快既飯入門八道菜廚師發辦套餐 ＄688➽沙律有菠蘿、蕃茄仔、加蔬菜加埋煙三文魚既一份沙律水果同菜用料新鮮，所以整體都係清新清甜既一個前菜➽前菜是鮑魚刺身好鮮,不腥上面仲有魚子醬同少許金箔師傅特意提我地鮑魚下面仲有些海帶,味道帶微甜和酸,幾好食呢➽鐵板海鮮兩品帆立貝同聖子廚
今次間餐廳唔係朋友帶黎真係唔知因為門口唔係透明及打開，一整個閉上的大木門上加上簡單的「燚」字招牌
真係好低調
餐廳內位置不多
主要有bar 枱位，約6人
另有2張4、5人枱
場內燈光都係一個特色位，係紫藍色為主色調
如果坐係bar 枱位睇廚師煮野食，再飲住啤酒，配合呢個燈系既環境，都幾有一番感覺
鐵板燒既選擇主要以海鮮類及肉類為主
我地留意到set menu 有沙律、飯、甜品同湯，係散叫冇的，於是叫了一份廚師發辦套餐
再加其他幾款既海鮮
整體食物既賣相都幾靚,睇得出好有心機去present 出黎
海鮮味道都食得出鮮甜度,廚師控制煎煮既火喉幾好,不會令到食材老或鞋
同師傅言談間知道佢地係酒店做左好多年
除左功力深,對賣相都有一定要求,所以食物出到黎都幾精緻
服務方面,一坐低會俾杯暖水你先
之後一路食都會同幾位師傅傾計,好健談好好傾
係一餐好舒服﹑食得愉快既飯
入門八道菜廚師發辦套餐 ＄688
➽沙律有菠蘿、蕃茄仔、加蔬菜加埋煙三文魚既一份沙律
水果同菜用料新鮮，所以整體都係清新清甜既一個前菜
➽前菜是鮑魚刺身
好鮮,不腥
上面仲有魚子醬同少許金箔
師傅特意提我地鮑魚下面仲有些海帶,味道帶微甜和酸,幾好食呢
➽鐵板海鮮兩品
帆立貝同聖子
廚師先燒香個貝殼，加了一些香油配料，然後先放上帆立貝肉上去
聖子方面，廚師則加了一些香菇一齊炒香
整體配搭同味道都適合
➽鐵板肉類一品是厚切黑豚肉
上碟時，個擺盤幾靚
特意用了個蔬果雕了個紅蘑菇出黎、碟邊都圍左d 醬汁，呢d 位幾有心機
廚師將豬肉燒得不會老不鞋，肉質不錯
有兩款醬汁，一隻少酸一隻帶咸味，加埋一齊食可以帶出豬既鮮
➽炒飯廚師細心幫我地分開左兩碗上
飯炒得幾乾身，粒粒分明
➽湯是一個昆布麵豉湯
中央有一個切到好似菊花既豆腐，整體好吸晴
湯味道不會咸，新鮮煲煮出黎，夠熱
➽甜品我很喜歡的一環
是吉士十勝紅豆多士
師傅話佢地整既吉士係蛋多、奶少糖少，所以不會太甜
綿滑既吉士加上紅豆同多士，好夾
推薦
另外，再散叫了越南特大虎蝦、北海道刺身級帶子及南非孔雀鮑魚
➽越南特大虎蝦$108真係好大隻
師傅將蝦肉一分為二，肉量都唔少
肉質燒得岩岩好，不會收晒水
蝦肉係幾鮮，蝦頭都好多膏
➽北海道刺身級帶子$138呢個擺盤好靚
帶子下方放左一塊新鮮煎過既瓜肉托住
帶子上方就放了些魚子醬及些許金箔
整體好華麗美觀
帶子外層微微煎香，內層保持嫩度
呢個好食
➽南非孔雀鮑魚$288有3隻鮑魚
上面放左海量既蒜蓉
我見師傅唔係煎左好奈
所以鮑魚唔會「硬」或難硬
加埋咸香既蒜蓉，配好夾
➽啤酒因為食鐵板燒,所以都叫了兩杯啤酒配襯
Post
