Amici (Closed)

今日帶兩位澳門朋友係中環行下，觀光下，平時好小黎中環，到晚飯時段，都唔知有咩餐廳好食，就搵左呢間餐廳，因為有85折，同見到食評都話ok。黎到餐廳地方唔大，裝修普通，服務態度好。呢間餐廳d價錢中等，唔算貴，侍應介紹左個廚師推薦Scampi 帶子Tartar，Scampi 唔係周圍都有得食，所以就叫左一客黎試下，之後仲有蟹餅，鵝肝，意粉，羊架同牛排。Scampi 帶子他他，好鮮甜， 帶子落左檸檬汁同唔知咩汁，酸酸地好清新，仲有牛油果係中間，Scampi都算大隻，好甜，好好味，由於3個人份真係唔夠食，就叫多左一客。我地叫左一客蟹餅，得兩粒，廚師就幫我地分做4粒，幾細心。蟹餅好多蟹肉，蟹味濃郁，不用點醬都好食，初時以為係4粒椰菜花。鵝肝，2百多元有兩大塊，外脆，內軟，入口即溶。鵝肝味好香。個班cake就正正常常。不咩特別。沙甸魚扁意粉，由於相機食先既我，去左洗手間，返黎見朋友已經食到停唔到口，沙甸魚蓉整既意粉，每條意粉都有沙甸魚蓉，味道非常好，而且材料好多，連蒜片都好食，好爽，無咩蒜味。食完無口嗅。哈哈牛排係頂級個隻，比安格斯再高級d，牛味非常濃郁，肉汁豐富。好味羊架係BB羊，無蘇味，好嫩，2