松屋 (仁信大廈)

Open Now

Now Closed

是日星期五，女友經過一週辛勞工作後，見到facebook介紹呢間甜品店話好想食，就趁今日帶佢黎啦。餐廳主打疏乎厘，心太軟及窩夫，咁當然要試下啦，但兩個人食唔到三樣嘢，所以決定要疏乎厘同窩夫，下次有機會先試心太軟。香蕉朱古力窩夫 :雪糕揀咗曲奇，賣相都幾吸引，雖然窩夫係即叫即整，但上檯時感覺唔係咁夠熱，同埋比較軟身唔夠脆口，建議餐廳可以烘耐d。北海道牛奶疏乎厘(原味) :雪糕揀咗抹茶，疏乎厘上檯時傳出陣陣香味，雖然望落好厚，但中間好多都係空氣，入口香滑，味道唔太甜，幾好味。餐廳做緊優惠，影甜品相再打卡就送雪糕一球，可惜食完後我地已經好飽，無機會用呢個優惠了。