Little Fresh Cafe & Bar (Closed)

打完風朋友約我去銅鑼灣耀華街百樂中心18樓一間叫Little Fresh Cafe and Bar的樓上餐廳吃晚餐。我地叫左兩個晚餐和一個頭盤share。是日餐湯開胃，田園沙律新鮮清爽，自家製salad dressing正，多士香脆。火魔醉蜆有驚喜，又睇得又啱打卡，蜆大大隻味道鮮甜，香草牛油惹味，份量算多，推介。主菜都好有水準。24小時法式慢煑baby pork ribs不愧是用心製作的出品，調味酸甜，肉質口感佳，好食，不肥。薯蓉和蕃茄都好夾味。蕃茄忌廉汁蟹肉燴長通粉都啱我地口味，蟹肉算幾多，長通粉軟硬適中，我地鐘意食olives，健康又美味。飲埋凍奶茶和凍檸檬茶，為這餐劃上完美句號。這餐廳的出品和服務都很好，睇得出店主很用心經營，值得再訪。這餐廳也是一個一班朋友聚餐的好地方，今晚有班著名樂隊的fans在聚會，好不熱鬧。