Fûhn (The L. Square) (Closed)

呢排愛上食越南菜！要健康嘅有健康，要香口嘅有香口！兩個人食嘢有時真係眼闊肚窄，樣樣都想嗌，又怕食唔晒，三心兩意。望住個小食menu，牛油雞翼、炸蝦餅、炸春卷都好想食！落單個陣發現原來有小食拼盤，一次滿足晒三個願望！個拼盤幾好味，呢間餐廳嘅炸嘢一流，全部都有水準。牛油雞翼牛油味香，不過如果加返少少炸蒜就雙重享受。炸蝦餅雖然細細塊，但係食落蝦肉爽口彈牙，蝦嘅份量都唔少！炸春卷又薄又脆又多餡，好正！豬頸肉撈檬大大碗粉，豬頸肉都幾多，食到碗底都仲有豬頸肉剩。預先燒好咗嘅豬頸肉好脆，邊位燒到啱啱好，一d燶都無！湯粉有好多款揀，一於試個特色牛肉湯河，呢個牛肉湯河款式樣樣齊，有牛栢葉、牛肮腩、牛丸、生牛、牛筋，湯粉揀咗regular size，但都好大碗，夠晒飽，就算唔夠食，留返個肚叫小食仲好啦！值得介紹一吓呢度好鍾意用香草帶出菜式嘅香味，一來味道夠地道，二來有中藥成份，可以減輕頭痛，紓緩壓力。不過香草當然唔係個個啱食，所以會另上，唔怕因為香草嘅味影響主菜原有嘅味道，始終唔同種類嘅香草有佢獨特香味。店嘅老闆相信知音人一定會愛上佢地嘅香草，所以會定時出去買指定嘅香草，真係好有heart。餐廳仲有wif