慢理牆城

Open Now

Now Closed

餐廳吾係大街又係酒店1樓，用左少少時間搵入口，原來係酒店出入口入就得。慢落豬（慢煮西班牙冰花酸梅黑毛豬申燒配甜蕃薯條）：串燒豬大大串，每粒都成寸厚有多，燒到外面少少焦，但又鎖到肉汁係入面，酸酸甜甜開胃。甜蕃薯條炸到脆一脆，仲有少少沙律菜，整體份量足。明太子蟹肉扁意粉：撈得好好，食落去明太子味好出。蟹肉份量大過一個乒乓波，仲有少少蟹子增加左個色彩。待應好勤力主動加水，而且落單講明所有食物需時最少20分鍾，吾洗以為漏左單。環境以森林為主，多綠色，幾舒適。