Video
Read full review
2023-05-24
311 views
好耐之前食過呢間，幸好三年疫情佢都守得住，令我今晚可以再會一會佢。昏黃燈光配以工業風裝飾，岩Feel呀沙律幾乎係食西餐嘅”指定菜式”，二選一係意大利布袋芝士蕃茄沙律配意大利黑醋 ($118)，布袋芝士即係水牛芝士。白紅綠三色組成呢客沙律，唔知點解切開個布袋芝士時有種莫名其妙嘅治癒感以黑醋作沙律醬汁，酸中帶甜好開胃亦可平衡返芝士某程度嘅膩感; 芝士奶味幾出，口感軟滑，加埋夠凍多汁蕃茄一齊食，好味呀。首先出場嘅主菜係伯爵茶安格斯牛面頰意粉 ($158)以快炒方式煮無半點醬汁，入口比較爽身; 牛面頰煮得相當腍，質感帶點牛腩感覺; 偶爾食到少少類似花椒粒，令幼身意粉帶點惹味，但伯爵茶味就唔係幾食到。除咗意粉類，仲有素/肉漢堡。對素漢堡一般，所以手打安格斯牛肉漢堡 ($138)就跑出，仲有黃金拍檔………薯條。飽面係烘過，外面帶少少脆暖身及飽身鬆軟。材料應有嘅都有，如漢堡，煙肉，芝士，蕃茄及生菜，不多也不少。個漢堡入口仲有肉汁，唔係乾爭爭嘅，調教味道岩岩好; 整體口感同味道都唔錯，食晒成個都好夠飽。佢嘅薯條都唔好錯過，入口唔油膩，點埋個松露醬，真係一條駁一條。睇過食評呢客法式焦糖班戟 ($108)
昏黃燈光配以工業風裝飾，岩Feel呀
沙律幾乎係食西餐嘅”指定菜式”，二選一係意大利布袋芝士蕃茄沙律配意大利黑醋 ($118)，布袋芝士即係水牛芝士。
布袋芝士蕃茄沙律
5 views
0 likes
0 comments
白紅綠三色組成呢客沙律，唔知點解切開個布袋芝士時有種莫名其妙嘅治癒感
以黑醋作沙律醬汁，酸中帶甜好開胃亦可平衡返芝士某程度嘅膩感; 芝士奶味幾出，口感軟滑，加埋夠凍多汁蕃茄一齊食，好味呀。
首先出場嘅主菜係伯爵茶安格斯牛面頰意粉 ($158)
以快炒方式煮無半點醬汁，入口比較爽身; 牛面頰煮得相當腍，質感帶點牛腩感覺; 偶爾食到少少類似花椒粒，令幼身意粉帶點惹味，但伯爵茶味就唔係幾食到。
除咗意粉類，仲有素/肉漢堡。對素漢堡一般，所以手打安格斯牛肉漢堡 ($138)就跑出，仲有黃金拍檔………薯條。
飽面係烘過，外面帶少少脆暖身及飽身鬆軟。材料應有嘅都有，如漢堡，煙肉，芝士，蕃茄及生菜，不多也不少。
個漢堡入口仲有肉汁，唔係乾爭爭嘅，調教味道岩岩好; 整體口感同味道都唔錯，食晒成個都好夠飽。
佢嘅薯條都唔好錯過，入口唔油膩，點埋個松露醬，真係一條駁一條。
睇過食評呢客法式焦糖班戟 ($108)有幾咁吸引，點都要留D”空間”比佢
法式焦糖班戟
6 views
0 likes
0 comments
頂層係脆身焦糖”蓋”住吉士，側邊類似滑蛋嘅係吉士，再有少少砂糖係底部。班戟入口滿有蛋香味，鬆軟到無朋友，加埋吉士嘅香甜味道，超級邪惡。
有咁好味嘅甜品，當然唔少得叫埋杯咖啡，Mocha ($53) 及Flat White ($45)都拉咗個心心圖案，啡身比連鎖店黎得厚身，飲落啡味較出，應該係選用嘅咖啡豆及烘焙程度較為出色。
呢餐無論食品或咖啡出品都相當出色，年青侍應主動有禮，無論想嘆杯咖啡或輕食都岩呀。
Post
