瀛豐放題料理專門店 (Moved) New Location

今晚同朋友去咗銅鑼灣瀛豐放題料理專門店食放題。其實我哋今次係比佢呢個升級優惠吸引咗嚟。任食生蠔、海膽火焰帶子、任飲1664生啤。唔好講笑一你坐低即刻出去攞番杯1664飲吓先。呢個自助啤酒機好正放個杯落去啤酒由下面斟上嚟，絕對唔會斟到啲啤酒泡滿哂。因為我哋升級咗所以店員自動送上盆生蠔嘩大大隻生蠔正呀，食多幾轉真係爽哂。刺身拼盆差不多樣樣刺身都有，珍寶赤蝦超大隻、冰山蚌好少有、馬刀貝好爽脆。海膽火焰帶子帶子好鮮甜又厚夾埋啲海膽食真係無得頂😋啤酒送串燒蝦同燒菠蘿最正。辣椒膏炒蜆甘葉香蒜炒墨魚好惹味泰式魚露燒蝦好食再encore😋估佢唔到呢個奶茶味雪糕又幾好味。