El Portal (Closed)

阿女知道我喜歡食生蠔，帶咗我去佐敦一間主打地中海菜嘅El Portal，地中海一帶多屬沿海地區，食物主要以海鮮為主，所以生蠔都是其招牌菜之一，餐廳在二樓，入口比較隱蔽，但係要搵亦唔難。餐廳室內設計有格調，從窗外望正正望到廟街牌坊！新鮮生蠔混合盤：老闆話每天都會選擇最新鮮肥美的生蠔出售，所以每日供應嘅生蠔都會有唔同地方運到的。混合盤一共有六隻生蠔，好特別，係用咗煲仔盛載上枱，第一次食煲仔生蠔，其中三隻係法國生蠔，生蠔好新鮮，蠔肉肥美結實而呈彈性脆口，蠔味細膩有層次不會過分爆發，最初是海水味，然後是香濃蠔味，最後是點點榛子味，徘徊在口腔久久不散！另三隻係西班牙生蠔，蠔肉生長得超大超肥美，Creamy的口感及甘甜的餘韻亦是比較獨特！青口配馬里涅拉舞醬汁：青口亦係用煲仔上，地中海嘅馬里涅拉舞醬汁係用咗香草、大蒜、蕃茄和洋蔥煮成，味道比香港嘅豉汁還惹味，青口入口鮮甜惹味，一隻接一隻食不停！