嵐石 - 海鮮&牛扒餐廳 (Closed)

呢個環境睇日落，邊度有得輸？？！！叫咗一jar sangria ，三個人飲飲唔晒，但係好好飲，似係西班牙同葡萄牙飲果d。重點推：生蠔一半南非（圖中上半碟），一半法國（圖中的下半碟），覺得南非果d肥美d，法國果d礦物味多啲，各有千秋，兩款都新鮮大隻。意粉都好食嘅，d菇同青汁香而不油膩。個西班牙蛋餅都算幾好味但細咗d，係西班牙食果d大塊好多。還叫了一個心太軟，無影相，味道算不錯三人行一人除翻開四百幾蚊，由六點坐到九點，吹水吹全晚，迎著海風，生蠔同埋個景，加埋日落，點會輸？