Video
Read full review
2022-01-25
82 views
近年興起流水蝦放題座位隔離有個水缸可以夾蝦 即夾即燒大蝦🤣有2.5小時任食任飲 人均消費連加一$298真係好玩又好食🤞🏻店員仲會不斷添加活蝦🦐所以唔怕夾到無晒蝦岩晒一班朋友邊食邊玩😋🔸海鮮 款式包羅萬有，有蝦、鮑魚、生蠔、花甲、東風螺、大蜆、馬友魚、紅鮪、扇貝、貴妃蚌、魷魚。整體全部海鮮都好鮮甜😍d蝦普遍都好大隻，而且有好多膏，肉質爽口鮮甜😋係水缸夾完蝦要即刻放落冰整暈佢先燒。生蠔好肥美又鮮甜，食左超多。就算魚類紅鮪都唔會有腥味。貝殼類海鮮無沙😍因為有清酒拎，我地仲用錫紙裝住清酒煮蜆🤣好好味！大蜆、貴妃蚌都好好肉。我地仲拎左蒜蓉加落海鮮惹味d。扇貝配牛油無得輸。枱面亦貼心地放有玫瑰鹽、孜然粉、辣椒粉，加落海鮮調味，惹味好多！🔸燒物有牛柳粒、雞軟骨、雞全翼、玉子、豬仔骨、腩肉、丸類、菇類、粟米、蔬菜等。雞全翼大隻又入味，燒得焦香啖啖肉。燒雞軟骨貼豬仔骨都好好味。仲有錫紙拎可以方便加牛油燒金菇。燒玉子都係好好味，甜甜地又軟滑。🔸熱食有蒜蓉蝦、炸蝦餅、泰式菠蘿炒飯、冬陰功湯、辣汁煮螺😝個冬陰功湯味道都幾正宗，好濃郁惹味。蒜蓉蝦炒得好入味，蝦又大隻。🔸甜品有多款雪糕杯同雪糕條。我最鐘意食牛乳海
座位隔離有個水缸可以夾蝦
即夾即燒大蝦🤣
有2.5小時任食任飲
人均消費連加一$298
真係好玩又好食🤞🏻
店員仲會不斷添加活蝦🦐
所以唔怕夾到無晒蝦
岩晒一班朋友邊食邊玩😋
🔸海鮮
款式包羅萬有，有蝦、鮑魚、生蠔、花甲、東風螺、大蜆、馬友魚、紅鮪、扇貝、貴妃蚌、魷魚。整體全部海鮮都好鮮甜😍d蝦普遍都好大隻，而且有好多膏，肉質爽口鮮甜😋係水缸夾完蝦要即刻放落冰整暈佢先燒。生蠔好肥美又鮮甜，食左超多。就算魚類紅鮪都唔會有腥味。貝殼類海鮮無沙😍因為有清酒拎，我地仲用錫紙裝住清酒煮蜆🤣好好味！大蜆、貴妃蚌都好好肉。我地仲拎左蒜蓉加落海鮮惹味d。扇貝配牛油無得輸。枱面亦貼心地放有玫瑰鹽、孜然粉、辣椒粉，加落海鮮調味，惹味好多！
🔸燒物
有牛柳粒、雞軟骨、雞全翼、玉子、豬仔骨、腩肉、丸類、菇類、粟米、蔬菜等。雞全翼大隻又入味，燒得焦香啖啖肉。燒雞軟骨貼豬仔骨都好好味。仲有錫紙拎可以方便加牛油燒金菇。燒玉子都係好好味，甜甜地又軟滑。
🔸熱食
有蒜蓉蝦、炸蝦餅、泰式菠蘿炒飯、冬陰功湯、辣汁煮螺😝個冬陰功湯味道都幾正宗，好濃郁惹味。蒜蓉蝦炒得好入味，蝦又大隻。
🔸甜品
有多款雪糕杯同雪糕條。我最鐘意食牛乳海鹽雪糕，雪糕呈淺藍色，有濃濃嘅牛乳海鹽味。
🔸飲品
所有飲品都係任飲。有自助花茶、茶葉、檸檬乾片、苦瓜茶。仲有三款生啤🍻、梅酒、清酒、啤酒，岩晒好酒之人。仲有多款紙包飲品、汽水、果汁茶、青瓜梳打。青瓜梳打幾特別同fresh，果汁茶有熱情果味、水蜜桃味，兩款都好好味！
Post
