Video
Read full review
2019-07-30
1137 views
又來到要同閨蜜興祝生日既時間, 今次揀左想試好耐既田舍家!最初留意呢間餐廳當然係因為佢係ICC頂樓, 有無敵海景啦。仲有既就係佢爐端燒上菜既方式同埋坐位都好特別。不過今次on a budget所以就試左食lunch先啦!!成功book到window seats, 坐低見到個景真係冇得輸 (雖然我影得有d差), 靠住窗邊食係好feel啲, 真係野都好食啲!友人叫左龍蝦+和牛set; 而我就叫左個懷石料理set試一試佢既真功夫。另外忍唔住再叫多左一燒雞泡魚乾小食, 好滿足!龍蝦+和牛set頭盤係簡單沙律, 冇乜特別燒龍蝦擺盤好靚!! 用料真係好新鮮, 啲肉好鮮甜, 配埋旁邊不同既汁, 好食~燒薄和牛扒切件, 配左個炒飯 漬物同炒雜菜 - 個牛係肥美既, 再燒左啲油出來, 配炒飯好似有啲漏。甜品Panna Cotta - 味道都係一般。但餐廳係有心思既, 將個蠟燭底整左粒提子固定係碟, 唔洗拮到個甜品/d蠟滴到甜品。相對個懷石料理set精緻好多頭盤係刺身platter - 用料新鮮, 擺盤又靚再來多個頭盤係漬物 沙律 凍豆腐 蛋巻 platter - 好醒胃用茶壺serve既海鮮清湯 - 好
最初留意呢間餐廳當然係因為佢係ICC頂樓, 有無敵海景啦。
仲有既就係佢爐端燒上菜既方式同埋坐位都好特別。不過今次on a budget所以就試左食lunch先啦!!
成功book到window seats, 坐低見到個景真係冇得輸 (雖然我影得有d差),
靠住窗邊食係好feel啲, 真係野都好食啲!
友人叫左龍蝦+和牛set; 而我就叫左個懷石料理set試一試佢既真功夫。
另外忍唔住再叫多左一燒雞泡魚乾小食, 好滿足!
龍蝦+和牛set
頭盤係簡單沙律, 冇乜特別
燒龍蝦擺盤好靚!! 用料真係好新鮮, 啲肉好鮮甜, 配埋旁邊不同既汁, 好食~
燒薄和牛扒切件, 配左個炒飯 漬物同炒雜菜 - 個牛係肥美既, 再燒左啲油出來, 配炒飯好似有啲漏。
甜品Panna Cotta - 味道都係一般。但餐廳係有心思既, 將個蠟燭底整左粒提子固定係碟, 唔洗拮到個甜品/d蠟滴到甜品。
相對個懷石料理set精緻好多
頭盤係刺身platter - 用料新鮮, 擺盤又靚
再來多個頭盤係漬物 沙律 凍豆腐 蛋巻 platter - 好醒胃
用茶壺serve既海鮮清湯 - 好足料, 湯好鮮甜
主菜有西京燒銀鱈魚, 天婦羅, 和牛薄燒, 炒飯同雜菜 - 真係好飽!!
整體食物係中上水準. 但就冇乜特別/驚喜。
當然餐廳景色真係無敵, 特別日子/慶祝都非常適合!!
Post
