Exit C1/ D1, Kowloon MTR Station/ Exit B5/ D1, Austin MTR Station
continue reading
Telephone
29722666
Introduction
The Japanese restaurant locates at 101st floor. You can enjoy the view of Victoria Harbor here. The kaiseki courses and teppanyaki courses are highly recommended.
continue reading
Opening Hours
Today
12:00 - 14:30
18:00 - 22:30
Mon - Sun
12:00 - 14:30
18:00 - 22:30
Recommended Dishes
RELATED ARTICLES
仲有不足20小時就到牛年了，先祝大家來年事事順利，身體健康，真緊要百毒不侵。講返上年就算係疫情下，有好多餐廳都會靈活求變，又或者推出好抵食既套餐，其實係限聚令前，曾造訪過位於尖沙咀的田舍家。說起來，都有好一段日子沒來了，從半空遠眺足下的景色，同一個位置，卻是感觸良多。鐵板溏心鮑魚及龍蝦套餐龍蝦沙律一上檯已經喑叫一聲，原隻龍蝦鉗褪殼，令食客可以啖啖肉，實在有點奢華的感覺，係坊間好多日式食肆都係折肉上，一來慳成本，二來慳時間，因為折原隻蟹鉗真係好花時間，蟹要靚，鉗要大，折要細心以免整爛。溏心鮑魚食材選得好，功夫慳一半，鮑魚切開兩半，肉質煙韌，而且好入味，大廚處理得相當好。波士頓龍蝦原隻新鮮龍蝦開邊，塗上了海膽汁去焗，既保留了龍蝦的肉汁，蝦肉爽彈有緻，原來跟海膽汁係非常配襯，一試難忙，家陣諗起都想食。宮崎牛厚燒自己一向是牛魔皇，無牛不歡，用上宮崎牛，質素已經無須多講，加上厚燒至六七成熟，咬落的確鬆軟有嚼口，而且好濃肉味，蘸點一下岩鹽，鮮度進一步提昇，超正。鮑汁燴稻庭鳥冬以往食稻庭烏冬多數係放湯，大廚反而肯花時間用鮑汁去燴，將味道逼入烏冬內，軟滑得來又滋味。當日整個套餐要 $1288/位（另加一服務費），但知道食材及背後功夫，個人覺得好合理。而當時正值餐廳10周年，所以推出了「10th Anniversary Robatayaki Dinner」，剛才介紹的以龍蝦為主，而今次就係主打「宮崎和牛」。燒牛肉沙律第一道菜已直接攻擊大家味蕾，幾片薄切的牛肉簡單的用火炙過，每口都富油香，但有清新爽脆的沙律菜平衡了口感。前菜三款日式料理果然不單只求味道，單睇擺碟都好靚。牛肉海膽卷用薄牛肉片包裹海膽，感覺好奢華，兩者毫無違和感，好味。至於燒牛肉三文治，簡單的三文治都用上和牛，麵包吸收了肉汁，味道都變得豐富。而燒芝士略為焦香，芝士味反而更突出。燒野菜有車厘茄、秋葵及青椒仔三款，車厘茄依然好juicy；秋葵同日本青椒烤得恰好，微焦下反而好香口。烤墨魚仔烤得飽滿又香口，咬落煙煙韌韌，用來佐酒一流。燒牛扒再一次沖擊味蕾，牛扒燒至五六成熟，肉質呈嫣紅色，份量會比較多，實在是味覺大滿足。木盒鰻魚飯原個木盒連鰻魚蒸真係好少見，好處係魚汁精華都滲落飯粒之中，試問又點會唔惹味吖！而且鰻魚質素好，啖啖肉好正，尤其是魚皮位滑嘟嘟，又係必食位，至於一啖飯一口魚肉就當然不可少啦！P.S : $988/位（Subject to 10% service charge）係美食同靚景下用餐，當然感覺滿足，但願新一年大家心想事成！
continue reading
因為6日限聚令，我地今日要坐房，最底消費要$20000,但食物質素高，而且經理都好貼心服務，而且環境既開揚，間直真係物超所值我地係房內有師傅鐵板燒，經理大部份時間都係房內照顧我們需要；一開始未揀餐，有個朋友話好肚餓，經理即時攞左一些小食比我們真係好貼心呢。
continue reading
起碼食咗五次，呢次係最差，螺超級腥，又唔問客人有啲咩特別想食，唔食啲咩，個拖羅竟然係帶筋既！咁高級既餐廳，竟然咁嘅食材！？環境係好好，可惜6:30入座，明明好多空位，全場只有一台客人，唔明白點解要將我個枱同埋另外嗰台放得咁近🤯
continue reading
朋友話好耐無黎過，約好左一齊響田舍家食lunch。我早3星期訂左枱，個職員好有禮貌問坐鐵板燒，壽司定爐端燒位。我地怕鐵板燒油煙。所以揀左壽司table 😃職員亦有打黎reconfirm booking去到餐廳，我地被安排坐窗邊位。因為天氣好好個景好正！我點左鵝肝、活鮑魚及美國牛肉套餐$690, 套餐包左沙律、鵝肝、活鮑魚、牛肉厚燒、炒菜、炒飯、香菜、麵豉湯及甜品。沙律菜落左好多沙律醋。唔怕酸既我好啱食！鵝肝煎得好香，鮑魚都勁好味。可惜牛肉少少韌。甜品係牛奶布甸❤️朋友點左壽司定食$480, 包左個牛舌前菜、沙律、茶碗蒸蛋、雜錦壽司、野菜天婦羅、迷你湯烏冬及甜品。壽司上面既魚生都ok既，朋友話唔算非常新鮮。如果以食物質素同價錢去比，性價比就一般。不過無得出去旅行，偶然食一次，獎勵下自己，逗自己開心下都ok既！
continue reading
2021年3月28日同姊妹去fine dining,試試這裡的午餐。坐升降機直上101，入到去餐廳，職員介紹壽司吧、鐵板燒區等的位置。侍應推介鐵板燒區給我們，由於餐廳客人不多，全區域只有我們坐。在101樓居高臨下，當然已經加分不少。Set lunch 價錢由$600起，亦可散叫。我同好姊妹各叫左一個懷石料理，埋單每人約$870左右。餐廳還有其他刺身餐、壽司餐等，可供選擇。我倆選了中價的款式。食物包括：前菜、魚生、壺湯、燒物、天婦羅、面豉湯、炒飯、甜品。每樣都十分精緻，味道很不錯。前菜的擺盤和味道，已經好吸引。魚生非常新鮮和肥美，入口滿口魚油，有入口即溶的感覺，配合生磨的wasabi ，絕配。燒物：魚肉燒得非常好食，有肉質彈牙的感覺，平時食開普通食店的我，未試過食到這種質地，這味菜是全餐料理最高分和驚喜的菜式。天婦羅和湯也好美味，十分脆口，但沒有太大驚喜。天婦羅蝦肉質彈牙。湯有幾粒海鮮：包括蝦和貝類，味道鮮甜，但味道略偏淡。我地坐在鐵板燒區，所以可見到師傅即場製造炒飯和牛肉卷，熱辣辣的送上。看到飯在鐵板上跳舞，別有一番風味。面豉湯、甜品味道正常，沒有什麼特別。美中不足的是侍應的表現，我們由12:30坐下，2:00未到，已經將菜式全部送上枱上，感覺有點急，影響了食物的品質。已此價位的餐廳來說，除了環境、食物質素外，對員工的服務質素，總有一定期望。簡單如食物介紹也沒有，卻有點失望。有個呀姐更跟其他參觀的客人講，我地差不多食完，好快會埋單。um⋯⋯當時突然覺得自己去左茶記呢！
continue reading