星期六中午同女友嚟到荃灣Sol House Oyster Bar And Restaurant，試吓社交平台吹到幾勁🤔。餐廳唔算大，燈光偏暖黃，枱同枱之間有啲逼，但勝在坐得舒服。牆身掛咗啲海洋風裝飾，幾襯個名，不過就唔算好靜，傾計要講大聲少少👫。
1. 煙三文魚凱撒沙律 👍🏻👍🏻👍🏻
沙律菜幾新鮮，煙三文魚唔會太鹹，但份量偏少，醬汁撈勻咗都覺得有啲乾身，如果多啲芝士碎同脆麵包粒會更好🥗。
2. 烤鴨髀配蕃茄紅花汁意大利飯 👍🏻👍🏻👍🏻👍🏻
鴨髀皮脆肉嫩，咬落去仲有肉汁，幾好👌🏻。意大利飯個汁酸甜開胃，飯粒煮得啱啱好，唔會太淋或者生骨，不過紅花味就唔係好突出🍚。
3. 炸日本甜薯薯條 👍🏻👍🏻👍🏻👍🏻
呢個有驚喜！甜薯條炸得外脆內軟，甜甜地幾好食，點埋個醬更加正🍠。凍咗都仲脆，抵讚！
4. 凍鮮奶咖啡 👍🏻👍🏻👍🏻
咖啡味唔算好濃，奶香幾夠，但冰太多，飲到一半已經淡晒☕。
呢餐整體唔錯，尤其係個鴨髀同甜薯條，但沙律同咖啡就普通咗啲。價錢中上，兩個人食咗五百幾，可以一試。情侶拍拖慢慢坐傾下計 飲下酒 浪漫一下 相當唔錯
