莆田 (利舞臺廣場)

Open Now

Now Closed

星期六的晚上，同朋友去左食銅鑼灣莆田，好彩有預先訂位，超多人在門口等位，餐廳環境都算寬敞，坐得好舒服。叫左個招牌菜，冰浸苦瓜 $49，苦瓜約2mm薄，好似食緊生果咁，苦得黎又清清地，點蜜糖食，好好食，連不愛苦瓜的朋友也覺好吃。興化炒米粉 $82，米粉質感不像平時的， 不是一條條好分明，感覺食落一堆但又乾身，都幾特別。海蠣菜式6選2 $188，叫左酥炸椒鹽海蠣同海民鹽漬海蠣。酥炸椒鹽海蠣炸得唔錯，不會太多粉漿，一粒一粒，細細粒，幾好食。海民鹽漬海蠣就是漁民風味，好驚喜沒有腥味。點左2杯飲唔，冰磚楊梅水 $32，酸酸的味道。另外一杯冬瓜薏米水 $25 ，我比較喜歡這杯，薏米好香，好易入口，清熱解渴。