茶墨 (Closed)

從中學開始知道有台式飲品店開張之後到而家真係瘋魔全港但呢一個絕對係好事因為飲品不斷創新又創新，繼之前黑糖珍珠奶茶席捲全港之後其實亦都有一個飲法開始寂寂無名咁樣打起名堂，水墨風。奶茶加焦糖可以營造豹紋嘅效果，咁因此奶茶加黑色嘅芝麻醬就可以產生一種水墨嘅感覺。麻薯芝麻烏龍鮮奶茶就係呢一度嘅招牌飲品，既然場面咁震撼當然都要支持下😊😊 入邊所有材料都係自己極度鍾意所以飲落去亦都非常順心，芝麻味夠晒濃但上面嗰層奶蓋亦都綻放光彩，烏龍茶就係作為中間人所以三者都可以獨立品嚐到佢哋嘅味道，要增加咬口除咗珍珠之外麻薯咁係一個唔常見嘅選擇，最重要都係成杯野唔甜， 連我平時飲乜都要走甜嘅都唔覺得甜飲創意飲品當然亦都要配搭創意嘅嘢食，綠茶蒙布朗就係我推薦嘅配搭，上面嗰層綠茶帶有少少栗子蓉嘅味道，smooth and soft 係一個最好嘅形容詞，再配合下陳香軟嘅蛋糕testure, 既可以作為甜品套餐亦都可以作為下午茶，係一個悠閒嘅時光品嚐獨特口感嘅飲品絕對係一個臨時小憩嘅珍貴時間