Read full review
2020-07-15
3525 views
我地被安排入坐小廂房,環境寧靜舒適🌾,即使有其他客人一齊入坐,但每枱都有足夠既私穩度。店員先奉上濕毛巾同熱茶,再端上餐牌📜,服務態度殷勤,但唔會令人有侷促既感覺☺️,不愧係攞過連續五年米芝蓮既餐廳🎖。-點餐後店員就會送上前菜同麵豉湯🥡,麵豉湯味道比一般坊間飲開既更濃厚鮮甜。————————————————————特上刺身丼 $370淨睇賣相都見到有幾豐富既特上刺身丼🌈,足足有十一款刺身🐟。-由淡味魚開始食起,深海池魚清甜爽滑,金目鯛細嫩甘香😋;赤貝彈滑爽口,牡丹蝦軟腍鮮甜🤩;魚子粒粒飽滿,鹹鮮味十足🌊;拖羅入口即化,油脂香濃;海膽不負重望,鮮甜帶甘香✨。不過刺身食得多都會覺得膩,所以下層飯丼鋪左唔少漬物同腐皮絲👍🏻。唔只賣相,成個刺身丼既口感同味道都非常豐富。-刺身丼套餐仲有茶碗蒸,質感嫩滑,如果溫度再熱啲會更好🤗。————————————————————刺身拼盤丼 $330拼盤一共有八款刺身,中拖羅厚切無筋🥳,金目鯛清甜嫩滑;當中我最中意魷魚,爽彈有嚼勁,又不得其黏腍既口感🧚🏻♀️。而男朋友就中意鰹魚漬,鰹魚炙烤後除去魚腥味,經醬油醃漬後更突出鰹魚既鮮味😻,肉厚味濃。-套餐仲配有漬物同
我地被安排入坐小廂房,環境寧靜舒適🌾,即使有其他客人一齊入坐,但每枱都有足夠既私穩度。店員先奉上濕毛巾同熱茶,再端上餐牌📜,服務態度殷勤,但唔會令人有侷促既感覺☺️,不愧係攞過連續五年米芝蓮既餐廳🎖。
-
點餐後店員就會送上前菜同麵豉湯🥡,麵豉湯味道比一般坊間飲開既更濃厚鮮甜。
————————————————————
特上刺身丼 $370
淨睇賣相都見到有幾豐富既特上刺身丼🌈,足足有十一款刺身🐟。
-
由淡味魚開始食起,深海池魚清甜爽滑,金目鯛細嫩甘香😋;赤貝彈滑爽口,牡丹蝦軟腍鮮甜🤩;魚子粒粒飽滿,鹹鮮味十足🌊;拖羅入口即化,油脂香濃;海膽不負重望,鮮甜帶甘香✨。
不過刺身食得多都會覺得膩,所以下層飯丼鋪左唔少漬物同腐皮絲👍🏻。唔只賣相,成個刺身丼既口感同味道都非常豐富。
-
刺身丼套餐仲有茶碗蒸,質感嫩滑,
如果溫度再熱啲會更好🤗。
————————————————————
刺身拼盤丼 $330
拼盤一共有八款刺身,中拖羅厚切無筋🥳,金目鯛清甜嫩滑;當中我最中意魷魚,爽彈有嚼勁,又不得其黏腍既口感🧚🏻♀️。而男朋友就中意鰹魚漬,鰹魚炙烤後除去魚腥味,經醬油醃漬後更突出鰹魚既鮮味😻,肉厚味濃。
-
套餐仲配有漬物同煮物 - 汁煮魚配大根,魚肉同大根都燜至軟腍入味💕,醬油味非常香甜。
————————————————————
食飽飽之後仲可以選擇咖啡☕️或芝麻雪糕夾餅作飯後甜品🍨。雪糕夾餅口感外脆內軟,芝麻味香濃,夾餅帶微微焦香味。
Post