Catee (Closed)

今日同好耐冇見既朋友聚餐，因為朋友很愛貓貓，所以選址荃灣既catee cafe，位置好方便，在如心廣場對面，西鐵站過來大約5分鍾路程，一入去見到環境非常舒適，格調優雅，好適合聚會，現場仲有好多broad game 俾你玩，細心留意，牆上所有畫同擺設都同貓有關，用來打卡呃like最岩，我地一人叫左一個dinner set，有沙律，餐湯，主菜，飲品及甜品我地加$20蚊轉左龍蝦濃湯及松露野菌忌廉湯，兩碗湯都好大碗，龍蝦湯味道濃郁，蝦肉很多，整體不錯野菌湯味道好濃郁充滿松露味沙律用的菜好新鮮，配搭沙律醬非常好食主菜我點的是威靈頓三文魚扒伴刁草忌廉汁，酥皮鬆脆，包著野菌醬及巴馬火腿，做法正宗，三文魚熟既程度岩岩好，肉質鮮嫩朋友叫的是德國脆皮豬手伴蜜糖芥末及德國酸菜，上台時一把匕首插在豬手上，霸氣十足，待應會等你影好相再幫你切開，豬手外皮脆卜卜，肉質軟淋，配德國酸菜一齊食可以將味道提升至另一層次飲品分別叫左菠蘿汁及蘋果汁，是日甜品是藍莓芝士蛋糕，呢餐食得非常飽，整體來說非常好食可以再來！